Briwnyn 9:1 - Yn Vible Casherick 1775 1819

¹ As hie Abimelech mac Jerubbaal gys Shechem, gys braaraghyn e vayrey, as va taggloo oc ry-cheilley, as rish ooilley lught-thie ayr e voir, gra,

Briwnyn 9:1 ပူးပေါင်းရင်းမြစ်များ

Genesis 33:18

As haink Jacob gys Shalem, ard-valley jeh Shechem, t’ayns cheer Chanaan, tra haink eh veih Padan-aram; as hoie eh e chabbane er-gerrey da’n ard-valley.

Genesis 34:2

As tra va Shechem mac Hamor yn Hivite, prince jeh’n cheer, er vakin ee, ghow eh ee, as lhie eh mâree, er-êgin.

2 Samuel 15:6

As er yn aght shoh ren Absalom rish ooilley Israel, haink gys y ree son briwnys. Myr shoh chleayn Absalom creeaghyn deiney Israel.

1 Reeaghyn 12:1

As hie Rehoboam gys Shechem: son va ooilley Israel er jeet gys Shechem, dy yannoo eh ny ree.

1 Reeaghyn 12:20

As haink eh gy-kione, tra cheayll ooilley Israel dy row Jeroboam er jeet reesht, dy dug ad fys, as deïe ad er gys y cheshaght, as ren ad eh ny ree harrish ooilley Israel: cha row unnane deiyr er thie Ghavid, agh tribe Yudah ny-lomarcan.

1 Reeaghyn 12:3

Dy dug ad fys as deïe ad er: as haink Jeroboam, as ooilley sheshaght Israel, as loayr ad rish Rehoboam, gra,

Jeremiah 18:18

Eisht dooyrt ad, Tar-jee, as lhig dooin kialgyn croutagh y ghoaill noi Jeremiah; son cha vaillee yn leigh veih’n taggyrt, ny coyrle veih’n er-creeney, ny’n goo veih’n adeyr: tar-jee, as lhig dooin eh y woalley lesh y chengey, as gyn geill y choyrt da veg jeh e ghoan.

Jeremiah 41:5

Dy daink shiartanse veih Shechem, veih Shiloh, as veih Samaria, eer kiare-feed dooinney, lesh nyn aasaagyn baarit, as nyn eaddagh raipit, as fuill roie orroo, lesh chebballyn as ourallyn incense nyn laue, dy choyrt lhieu ad gys altar y Chiarn.

Joshua 20:7

As hoie ad er-lheh Kedesh dy Ghalilee ayns cronk Naphtali, as Shechem ayns cronk Ephraim, as Kirjath-arba (ta shen Hebron,) ayns slieau Yudah.

Briwnyn 8:30

As va ec Gideon three-feed as jeih mec, er ny gheddyn jeh e chorp hene: son va echey ymmodee mraane.

Briwnyn 8:31

As y co-lhiabbagh v’echey ayns Shechem, ren ish myrgeddin gymmyrkey da mac, ren eh genmys Abimelech.

Briwnyn 8:35

Chamoo hoilshee ad kenjallys da thie Jerubbaal, ta shen Gideon, son ooilley ny obbraghyn mie v’eh er n’yannoo son Israel.