Briwnyn 8:5 - Yn Vible Casherick 1775 1819

⁵ As dooyrt eh rish deiney Succoth, Cur-jee, ta mee guee erriu, bwilleenyn arran da’n pobble ta geiyrt orrym; son t’ad gannooinaghey, as ta mee geiyrt er Zeba as Zalmunnah, reeaghyn Vidian.

Briwnyn 8:5 ပူးပေါင်းရင်းမြစ်များ

Genesis 14:18

As hug Melchizedeck ree Salem lesh magh arran as feeyn: as v’eh saggyrt yn Jee smoo syrjey.

Genesis 33:17

As hie Jacob er e yurnah gys Succoth, as hrog eh thie da hene, as ren eh bwaneyn son e vaase: shen-y-fa ta’n ynnyd enmyssit Succoth.

Psalmyn 60:6

Ta Jee er loayrt ayns e chasherickys, Nee’m boggey ’ghoaill as rheynn-ym Sichem: as towse-ym magh coan Succoth.

Deuteronomy 23:4

Son nagh daink ad nyn guail er y raad lesh arran as ushtey, tra haink shiu magh ass Egypt, as son dy ren ad failley dt’oï Balaam mac Beor jeh Pethor ayns Mesopotamia, dy ghwee mollaght ort.

Briwnyn 5:23

Gwee-jee mollaght er Meroz, (dooyrt ainle y Chiarn;) gwee-jee mollaght trome er ny cummaltee eck; er-yn-oyr nagh daink ad gys cooney yn Chiarn, gys cooney’n Chiarn noi’n vooinjer niartal.

Briwnyn 8:10

Nish va Zebah as Zalmunna ayns Karkor, as nyn sheshaght-caggee mâroo, mysh queig thousane jeig, wheesh as va er-mayrn jeh ooilley ny sheshaghtyn-caggee cloan y shiar: son huitt shey-feed thousane dooinney va tayrn y chliwe.

Briwnyn 8:12

As myr va Zebah as Zalmunna roie er-chea, deiyr eh orroo, as ghow eh yn daa ree Vidian, Zebah as Zalmunna, as skeayl eh ooilley’n cheshaght-chaggee.

Briwnyn 8:15

As haink eh gys deiney Succoth, as dooyrt eh, Cur-my-ner Zebah as Zalmunna, my-nyn-gione ren shiu boggyssagh harrym, gra, Vel laueyn Zebah as Zalmunna nish fo dty laue’s, dy jinnagh shinyn arran da dty gheiney ta skee as tooillit?

1 Samuel 25:18

Eisht ren Abigail siyr, as ghow ee daa cheead bwilleen, as daa haagh feeyney, as queig kirree aarlit, as queig towseyn dy arroo greddanit, as keead dossan dy raisinyn, as daa cheead baskad dy figgyn, as hug ee ad er assylyn.