Briwnyn 8:4 - Yn Vible Casherick 1775 1819

⁴ As haink Gideon gys Jordan, as hie eh harrish, eh-hene, as y three cheead dooinney va mârish, faiynt, ny-yeih geiyrt orroo.

Briwnyn 8:4 ပူးပေါင်းရင်းမြစ်များ

2 Corinthianee 4:16

Son yn oyr shen cha vel shin lhiggey nyn gree voïn, agh ga dy vel y dooinney ain er cheu-mooie goll naardey, foast ta’n dooinney er cheu-sthie er ny niartaghey laa lurg laa.

Galatianee 6:9

As ny lhig dooin gaase skee ayns jannoo mie, son ayns imbagh cooie nee mayd buinn, mannagh bee mayd liastey.

Briwnyn 7:25

As ghow ad daa phrince ny Midianiteyn, Oreb as Zeeb; as varr ad Oreb er creg Oreb, as Zeeb varr ad ec press-feeyney Zeeb; as hie ad er-eiyrt’s Midian, as hug ad lhieu king Oreb as Zeeb gys Gideon er cheu elley dy Yordan.

Briwnyn 8:3

Ta Jee er livrey gys nyn laueyn princeyn Vidian, Oreb as Zeeb: as cre va mish abyl dy yannoo ayns soylaghey jiuish? Eisht va’n chorree oc er ny veiyghey, tra dooyrt eh shoh.

1 Samuel 30:10

Agh hie David geiyrt orroo lesh kiare cheead dooinney: (son duirree daa cheead dooinney nyn yeï, va cha tooillit nagh voddagh ad goll harrish y strooan Besor.)

1 Samuel 30:8

As hir David coyrle veih’n Chiarn, gra, Jem’s geiyrt er y cheshaght shoh? jean-ym berraghtyn orroo? As dreggyr eh, Immee, eiyr orroo; son nee oo son shickyrys berraghtyn orroo, as cosney reesht y slane spooilley.