Briwnyn 7:7 - Yn Vible Casherick 1775 1819

⁷ As dooyrt y Chiarn rish Gideon, Liorish ny three cheead dooinney ren sliee [yn ushtey] neem’s shiu y hauail, as livrey ny Midianiteyn gys dty laue: as lhig da ooilley yn chooid elley jeh’n pobble dagh dooinney goll gys e chummal hene.

Briwnyn 7:7 ပူးပေါင်းရင်းမြစ်များ

Briwnyn 7:6

As yn earroo ocsyn ren giu ass nyn mass, va three cheead dooinney: agh ren ooilley yn chooid elley jeh’n pobble croymmey sheese er nyn glioonyn dy iu ushtey.

Briwnyn 7:8

Myr shen ghow yn pobble beaghey ayns nyn laue, as ny trumpetyn oc: as ooilley yn chooid elley jeh Israel hug eh ersooyl, dagh fer gys e chabbane hene; as dreill eh mârish ny three cheead shoh. As va sheshaght-caggee Vidian cheu-heese jeh ’sy choan.

1 Samuel 14:6

As dooyrt Jonathan rish y dooinney aeg e armyder, Tar, as lhig dooin goll harrish gys garrison ny chymmyltee shoh: foddee eh ve dy jean y Chiarn gobbraghey er nyn son: son te’n un chooid da’n Chiarn dy hauail liorish mooarane ny liorish beggan.

1 Samuel 23:4

Eisht hir David reesht coyrle jeh’n Chiarn. As dreggyr y Chiarn eh, as dooyrt eh, Trog ort, gow sheese gys Keilah; son nee’m ny Philistinee y livrey gys dty laue.