Briwnyn 7:6 - Yn Vible Casherick 1775 1819

⁶ As yn earroo ocsyn ren giu ass nyn mass, va three cheead dooinney: agh ren ooilley yn chooid elley jeh’n pobble croymmey sheese er nyn glioonyn dy iu ushtey.

Briwnyn 7:6 ပူးပေါင်းရင်းမြစ်များ

Psalmyn 110:7

Iu-ee eh jeh’n strooan er y raad: shen-y-fa troggee eh seose e chione.

Raaghyn Creeney 16:2

Ta ooilley raaidyn dooinney glen ayns e hooillyn hene: agh ta’n Chiarn meihaghey ny spyrrydyn.

Briwnyn 7:5

Myr shen hug eh lesh yn pobble sheese gys yn ushtey: as dooyrt y Chiarn rish Gideon, Dy chooilley unnane ta sliee seose yn ushtey lesh e hengey, myr moddey, eshyn ver oo er-lheh; dy chooilley unnane myrgeddin ta croymmey sheese er e ghlioonyn dy iu.

Briwnyn 7:7

As dooyrt y Chiarn rish Gideon, Liorish ny three cheead dooinney ren sliee [yn ushtey] neem’s shiu y hauail, as livrey ny Midianiteyn gys dty laue: as lhig da ooilley yn chooid elley jeh’n pobble dagh dooinney goll gys e chummal hene.