Briwnyn 7:24 - Yn Vible Casherick 1775 1819

²⁴ As hug Gideon magh chaghteryn trooid ooilley slieau Ephraim, gra, Tar-jee sheese noi ny Midianiteyn, as cosne-jee rouesyn gys aaghyn ny hawinyn gys Beth-barah as Jordan. Eisht va ooilley deiney Ephraim er nyn jaglym cooidjagh, as ghow ad ny ushtaghyn gys Beth-barah as Jordan.

Briwnyn 7:24 ပူးပေါင်းရင်းမြစ်များ

Philippianee 1:27

Erskyn ooilley, lhig da’n ymmyrkey-bea eu ve cordail rish sushtal Chreest: myr shen edyr mee dy heet dy yeeaghyn shiu, ny gyn cheet, dy voddym clashtyn jeh nyn stayd, dy vel shiu shassoo shickyr ayns un Spyrryd, lesh un aigney streeu cooidjagh son credjue yn tushtal;

Romanee 15:30

Nish ta mee guee erriu, vraaraghyn, er graih nyn Jiarn Yeesey Creest, as er graih’n Spyrryd, dy jean shiu gobbraghey cooidjagh mârym ayns nyn badjeryn gys Jee er my hon’s;

Noo Ean 1:28

Va ny reddyn shoh jeant ayns Bethabara er cheu elley jeh Jordan, raad va Ean bashtey.

Briwnyn 12:5

As ghow ny Gileaditeyn aaghyn Yordan roish ny Ephraimiteyn: as ve myr shen, tra dooyrt ny Ephraimiteyn ren scapail, Lhig dou goll harrish, dy dooyrt deiney Ghilead rish, Nee Ephraimite oo? My yarragh eh, Cha nee;

Habakkuk 3:7

Honnick mee cabbaneyn Chushan ayns seaghyn: as va curtanyn cheer Vidian er-creau.

Briwnyn 8:3

Ta Jee er livrey gys nyn laueyn princeyn Vidian, Oreb as Zeeb: as cre va mish abyl dy yannoo ayns soylaghey jiuish? Eisht va’n chorree oc er ny veiyghey, tra dooyrt eh shoh.