Briwnyn 7:22 - Yn Vible Casherick 1775 1819

²² As heid ny three cheead ny trumpetyn, as hyndaa yn Chiarn cliwe dy chooilley ghooinney noi e heshey, trooid ooilley yn sheshaght-caggee: as roie ad er-chea gys Beth-shittah ayns Zererath, as gys ardjyn Abel-meholah, gys Tabbath.

Briwnyn 7:22 ပူးပေါင်းရင်းမြစ်များ

1 Reeaghyn 19:16

As Jehu mac Nimshi nee uss y ooilaghey dy ve ree harrish Israel: as Elisha mac Shaphat, jeh Abel-meholah, nee oo y ooilaghey dy ve phadeyr ayns dty ynnyd.

1 Reeaghyn 4:12

Baana, mac Ahilud; fosyn va Taanach as Megiddo, as ooilley Beth-shean, ta liorish Zartanah liorish Jezreel, veih Beth-shean gys Abel-meholah, eer gys yn ynnyd t’er cheu elley jeh Jokneam.

2 Recortyssyn 20:23

Agh hyndaa cloan Ammon as Moab reesht noi cummaltee cronk Seir, dy stroie ad dy bollagh: as tra v’ad er yiarey jeh cloan Seir, stroie ad-hene yn derrey yeh yn jeh elley.

Psalmyn 83:9

Agh jean uss roosyn myr rish ny Midianiteyn: rish Sisera, as rish Jabin ec awin Kison;

Isaiah 19:2

As soie-yms ny Egyptianee noi ny Egyptianee: as nee ad caggey dagh unnane noi e vraar, as dagh unnane noi e naboo; ard-valley noi ard-valley, as reeriaght noi reeriaght.

Isaiah 9:3

T’ou er vishaghey yn ashoon, as cha vel oo er vooadaghey nyn moggey: t’ad goaill boggey kiongoyrt rhyt, rere boggey yn ouyr, as myr ta deiney goaill boggey tra t’ad rheynn y chragh.

Isaiah 9:4

Son t’ou er vrishey yn whing trome echey, as lorg e gheaylin, slatt e hranlaasagh, myr ayns laa Vidian.

Ezekiel 38:21

As nee’m geamagh son y chliwe n’oï, trooid ooilley ny sleityn aym’s, ta’n Chiarn Jee dy ghra: bee cliwe dagh dooinney noi e vraar.

Habakkuk 3:14

Ren oo lesh dty lorg-reill brishey trooid king e valjyn: haink ad magh myr geay-chassee dy my skeayley: va’n boggey ocsyn dy stroie ny boghtyn dy follit.

Haggai 2:22

As tilg-ym bun-ry-skyn stoyl-reeoil reeriaghtyn, as stroie-yms niart reeriaghtyn ny ashoonee, as tilg-ym bun-ry-skyn ny fainee, as adsyn ta markiaght ayndoo, as hig ny cabbil as ny markee gys y thalloo, dy chooilley unnane liorish cliwe e vraar.

Zechariah 14:13

(As hig eh gy-kione ’sy laa shen, dy bee ard-anvea veih’n Chiarn ny-vud oc, as gowee ad greme dagh fer er laue e naboo, as bee yn laue echey er ny lhiantyn gys laue e naboo.

2 Corinthianee 4:7

Agh ta’n verchys shoh ainyn ayns siyn craie, dy vod ard-ooashley yn phooar ve veih Jee, as cha nee voïnyn.

Joshua 3:16

Dy ren ny ushtaghyn haink neose shassoo, as lhieeney back, tammylt mie veih ard-valley Adam, ta er-gerrey da Zaretan: as ren ny ushtaghyn va roie sheese lesh faarkey yn strah, dy jarroo yn Faarkey Sailjey, failleil, as chyrmaghey seose: as hie yn pobble harrish jeeragh er Jericho.

Joshua 6:16

As haink eh gy-kione ec y chiaghtoo cheayrt, myr va ny saggyrtyn sheidey lesh ny cayrnyn, dy dooyrt Joshua rish y pobble, Yllee-jee dy ard, son ta’n Chiarn er choyrt diu yn ard-valley.

Joshua 6:20

Myr shen dyllee yn pobble myr va ny saggyrtyn sheidey ny cayrnyn: as haink eh gy-kione tra cheayll y pobble feiyr y chayrn, as dy row’n pobble er n’yllagh lesh coraa ard, dy ren y voalley tuittym sheese kiart rish y thalloo, myr shen dy jagh y pobble seose ’syn ard-valley, dy chooilley ghooinney jeeragh roish; as ghow ad yn ard-valley.

Joshua 6:4

As nee shiaght saggyrtyn cur lhieu roish yn arg shiaght cayrnyn dy eairkyn rea: as er y chiaghtoo laa nee shiu yn ard-valley y chombaasal shiaght keayrtyn, as nee ny saggyrtyn ny cayrnyn y heidey.

1 Samuel 18:19

Agh haink eh gy-kione, ec y traa va Merab inneen Saul dy ve er ny choyrt da David, dy row ee er ny choyrt da Adriel yn Meholathite son ben.