Briwnyn 7:20 - Yn Vible Casherick 1775 1819

²⁰ As ren ny three sheshaghtyn-caggee sheidey ny trumpetyn, as vrish ad ny crockanyn, as chum ad ny lampyn ayns nyn laue chiare, as ny trumpetyn ayns nyn laue yesh dy heidey lhieu; as dyllee ad, Cliwe y CHIARN, as Ghideon.

Briwnyn 7:20 ပူးပေါင်းရင်းမြစ်များ

Isaiah 27:13

As hig eh gy-kione ’sy laa shen, dy bee yn trumpet mooar er ny heidey, as hig adsyn va aarloo dy herraghtyn ayns cheer Assyria, as ny eebyrtee ayns cheer Egypt, as ver ad ooashley da’n Chiarn er y chronk chasherick ec Jerusalem.

Jeremiah 47:6

O chliwe y Chiarn, caïd nagh gow fea? Cur oo hene ’sy fine, scuirr, as lhie feagh.

1 Corinthianee 15:52

Ayns tullogh, ayns shallid, ec y chayrn s’jerree: (son bee’n cayrn er ny hellym, as bee ny merriu troggit seose gys y stayd nagh jed mow, as bee mayd er nyn gaghlaa.)

2 Corinthianee 4:7

Agh ta’n verchys shoh ainyn ayns siyn craie, dy vod ard-ooashley yn phooar ve veih Jee, as cha nee voïnyn.

1 Thessalonianee 4:16

Son hig y Chiarn neose veih niau lesh eam ard, lesh coraa yn ard-ainle, as lesh cayrn Yee: as nee ny merriu ayns Creest girree hoshiaght.

Hebrewnee 11:4

Liorish credjue ren Abel chebbal gys Jee oural s’ooasle na Cain, liorish hooar eh feanish, dy row eh cairagh, Jee soiaghey jeh e ghiootyn: as liorish shoh ga dy vel eh marroo, t’eh foast loayrt.

Joshua 6:16

As haink eh gy-kione ec y chiaghtoo cheayrt, myr va ny saggyrtyn sheidey lesh ny cayrnyn, dy dooyrt Joshua rish y pobble, Yllee-jee dy ard, son ta’n Chiarn er choyrt diu yn ard-valley.

Joshua 6:20

Myr shen dyllee yn pobble myr va ny saggyrtyn sheidey ny cayrnyn: as haink eh gy-kione tra cheayll y pobble feiyr y chayrn, as dy row’n pobble er n’yllagh lesh coraa ard, dy ren y voalley tuittym sheese kiart rish y thalloo, myr shen dy jagh y pobble seose ’syn ard-valley, dy chooilley ghooinney jeeragh roish; as ghow ad yn ard-valley.

Joshua 6:4

As nee shiaght saggyrtyn cur lhieu roish yn arg shiaght cayrnyn dy eairkyn rea: as er y chiaghtoo laa nee shiu yn ard-valley y chombaasal shiaght keayrtyn, as nee ny saggyrtyn ny cayrnyn y heidey.

2 Peddyr 1:15

Agh nee’m y chooid share dy vod shiu ny reddyn shoh y reayll ayns cooinaghtyn kinjagh lurg my vaase.

Briwnyn 7:19

Myr shen haink Gideon as ny keead dooinney va marish gys cheu-mooie jeh’n champ, ayns toshiaght watch y vean-oie; as ad nish er hoiaghey yn gard: as heid ad ny trumpetyn, as vrish ad ny crockanyn, va ayns nyn laueyn.

Briwnyn 7:21

As hass dy chooilley ghooinney er e ghrunt hene mygeayrt y champ: as roie yn slane sheshaght-caggee er-chea, as dyllee ad magh, as chossyn ad roue.

1 Samuel 11:11

As er laa-ny-vairagh rheynn Saul y pobble ayns three sheshaghtyn; as vrish ad stiagh ayns mean yn cheshaght-chaggee ec arrey yn voghrey, as varr ad ny Ammoniteyn derrey chiass y laa: as haink eh gy-kione, dy row adsyn va er-mayrn er nyn skeayley, myr shen nagh row jees jeu faagit cooidjagh.