Briwnyn 7:2 - Yn Vible Casherick 1775 1819

² As dooyrt y Chiarn rish Gideon, Ta rouyr deiney mayrt’s dooys dy livrey ny Midianiteyn ayns nyn laueyn, nagh gow Israel oyr dy voggyssagh m’oï, gra, My laue hene ta er my hauail.

Briwnyn 7:2 ပူးပေါင်းရင်းမြစ်များ

Genesis 46:2

As loayr Jee rish Israel ayns ashlishyn ny hoie, as dooyrt eh, Yacob, Yacob. As dooyrt eh, Ta mee ayns shoh.

2 Recortyssyn 14:11

As deïe Asa gys y Chiarn e Yee, as dooyrt eh, Hiarn, te yn un chooid dhyt’s dy hauail, edyr y ve lesh mooarane, ny lesh beggan: cooin lhien, O Hiarn nyn Yee; son ort’s ta nyn marrant, as ayns dt’ennym ta shin goll noi’n earroo mooar shoh: O Hiarn, she uss nyn Yee, ny lhig da dooinney goaill niart ort.

Isaiah 10:13

Son t’eh gra, Liorish niart my laue hene, ta mee er n’yannoo eh, as liorish my chreenaght; son ta mee tushtagh: as ta mee er scughey cagleeyn y phobble, as er spooilley ny tashtaghyn oc, as ta mee er chur fo-chosh ny cummaltee, myr dooinney dunnal:

Isaiah 2:11

Bee shilley mooaralagh dooinney er ny injillaghey, as bee moyrn deiney er ny chroymmey, as bee yn Chiarn ny-lomarcan er ny yrjaghey ’sy laa shen.

Isaiah 2:17

As bee moyrn dooinney er ny chroymmey, as bee mooaralys deiney currit sheese dy injil; as she yn Chiarn ynrycan syrjey vees ’sy laa cheddin.

Jeremiah 9:23

Myr shoh ta’n Chiarn dy ghra, Ny lhig da’n dooinney creeney boggyssagh ass e chreenaght, chamoo lhig da’n dooinney niartal boggyssagh ass e niart, ny lhig da’n dooinney berchagh boggyssagh ass e verchys:

Ezekiel 28:17

Va dty chree troggit seose kyndagh rish dty aalid, t’ou er chaghlaa dty chreenaght ayns moyrn dty hollyssid: lhieg-yms oo gys y thalloo, ver-yms ort, dy lhie oo kiongoyrt rish reeaghyn, as oo dy ve son shilley daue.

Ezekiel 28:2

Vac y dooinney, abbyr rish prince Tyrus, Myr shoh ta’n Chiarn Jee dy ghra, Er-yn-oyr dy vel dty chree troggit seose, as dy vel oo er ghra, Ta mish my Yee, ta mee soie er stoyl Yee, ayns mean ny faarkaghyn; foast cha vel oo agh dooinney, as cha nee Jee, ga dy vel oo smooinaghtyn ayns dty chree dy ve myr Jee:

Daniel 4:30

Loayr y ree, as dooyrt eh, Nagh nee shoh Babylon mooar, ta mee er hroggal son thie yn reeriaght, liorish niart my phooar, as son onnor my ooashley?

Habakkuk 1:16

Shen-y-fa t’ad dy ouralley gys nyn lieen, as lostey incense gys nyn ribbey: son lioroo ta nyn gronney ayns soaillid, as nyn meaghey ayns sonnys.

Zechariah 12:7

As nee yn Chiarn myrgeddin sauail cabbaneyn Yudah hoshiaght, nagh jean gloyr thie Ghavid, ny gloyr cummaltee Yerusalem, mooadaghey ad-hene noi Judah.

Zechariah 4:6

As dreggyr eh, as loayr eh rhym, gra, Shoh goo yn Chiarn gys Zerubbabel, gra, Cha nee liorish niart ny pooar, agh liorish my spyrryd, ta Chiarn ny flaunyssee dy ghra.

Earrooyn 31:4

Thousane jeh dagh tribe, trooid ooilley tribeyn Israel, ver shiu gys y chaggey.

Romanee 11:18

Ny jean uss oo hene y ymmyrkey dy mooaralagh noi ny banglaneyn: agh my t’ou boggyssagh, cha vel oo gymmyrkey yn fraue, agh y fraue uss.

Romanee 3:27

Cre vel boggys eisht? te giarit magh. Liorish cre’n leigh? nee jeh obbraghyn? Cha nee: agh liorish y leigh dy chredjue.

2 Corinthianee 4:7

Agh ta’n verchys shoh ainyn ayns siyn craie, dy vod ard-ooashley yn phooar ve veih Jee, as cha nee voïnyn.

Ephesianee 2:9

Cha nee liorish obbraghyn, nagh jinnagh dooinney erbee boggyssagh:

Deuteronomy 32:27

Agh lhig mee lhieu er coontey’n noid, nagh jinnagh nyn noidyn gymmyrkey ad hene dy mooaralagh, as gra, Niart nyn laue hene, as cha nee’n Chiarn, t’er n’yannoo ooilley shoh.

Deuteronomy 8:17

As dy jir oo ayns dty chree, My phooar, as niart my laue hene ta er chosney’n verchys shoh dou.

Deuteronomy 8:18

Agh nee oo cooinaghtyn er y Chiarn dty Yee: son eshyn eh ta coyrt pooar dhyt dy gheddyn berchys, dy vod eh e chonaant y hickyraghey, vreear eh da dty ayraghyn, myr te er y laa jiu.

Jamys 4:6

Agh t’eh coyrt ny smoo dy ghrayse: shen-y-fa t’eh gra, Ta Jee cur eddin da ny mooaralee, as coyrt grayse dauesyn ta imlee.

1 Samuel 14:6

As dooyrt Jonathan rish y dooinney aeg e armyder, Tar, as lhig dooin goll harrish gys garrison ny chymmyltee shoh: foddee eh ve dy jean y Chiarn gobbraghey er nyn son: son te’n un chooid da’n Chiarn dy hauail liorish mooarane ny liorish beggan.