Briwnyn 7:19 - Yn Vible Casherick 1775 1819

¹⁹ Myr shen haink Gideon as ny keead dooinney va marish gys cheu-mooie jeh’n champ, ayns toshiaght watch y vean-oie; as ad nish er hoiaghey yn gard: as heid ad ny trumpetyn, as vrish ad ny crockanyn, va ayns nyn laueyn.

Briwnyn 7:19 ပူးပေါင်းရင်းမြစ်များ

Ashlish 16:15

Cur-my-ner, ta mee cheet myr maarliagh. Bannit t’eshyn ta er e arrey, as freayll e gharmadyn, nagh jed eh rooisht, as dy vaik ad e nearey.

1 Thessalonianee 5:2

Son ta fys dy mie eu hene, dy vel laa yn Chiarn cheet myr maarliagh ’syn oie.

Noo Mian 25:6

As ec main-oie va eam er ny choyrt, Cur-my-ner ta’n dooinney-poosee cheet, gow-jee magh ny whail.

Psalmyn 2:9

Nee uss ad y vroo lesh lorg-reill dy yiarn: as brishey ad ayns peeshyn myr saagh craie.

Briwnyn 7:16

As rheynn eh ny three cheead dooinney ayns three sheshaghtyn, as hug eh trumpet ayns laue dagh dooinney, marish crockanyn follym as lampyn cheu-sthie jeh ny crockanyn.

Exodus 14:24

As haink eh gy-kione, ec arrey y voghrey dy yeeagh y Chiarn lesh sheshaght-caggee ny Egyptianee trooid y pillar dy aile, as y vodjal, as skeayl eh atchim er sheshaght-caggee ny Egyptianee.

Briwnyn 7:18

Tra neem’s sheidey yn trumpet, mish as ooilley ny ta mârym, eisht sheid-jee shiuish ny trumpetyn eu myrgeddin er dy chooilley heu jeh’n champ, as yllee-jee, Cliwe y CHIARN, as Ghideon.

Briwnyn 7:20

As ren ny three sheshaghtyn-caggee sheidey ny trumpetyn, as vrish ad ny crockanyn, as chum ad ny lampyn ayns nyn laue chiare, as ny trumpetyn ayns nyn laue yesh dy heidey lhieu; as dyllee ad, Cliwe y CHIARN, as Ghideon.

Psalmyn 90:4

Son cha vel thousane bleïn ayns dty hilley’s agh myr y laa jea: fakin dy vel shen er n’gholl shaghey myr arrey ’syn oie.