Briwnyn 7:12 - Yn Vible Casherick 1775 1819

¹² As va ny Midianiteyn, as ny Amalekiteyn, as ooilley cloan y shiar, lhie skeaylt ’sy choan myr locustyn son earroo; as va ny camelyn oc erskyn coontey, myr yn gheinnagh rish oirr ny marrey.

Briwnyn 7:12 ပူးပေါင်းရင်းမြစ်များ

1 Reeaghyn 20:27

As va cloan Israel musterit, as ooilley arryltagh son y chaggey hie ad magh nyn ’oï: as ren cloan Israel campal kiongoyrt roo, goll-rish daa hioltane veggey dy vannanyn; agh lhieen ny Syrianee yn cheer.

1 Reeaghyn 4:30

As va creenaght Solomon erskyn creenaght ooilley cloan y cheer har, as ooilley creenaght Egypt.

Psalmyn 3:1

Hiarn, kys t’adsyn er nyn mishaghey ta dy my voirey: shimmey t’ad ta girree m’oï.

Psalmyn 33:16

Cha vel cabbyl coontit agh red fardalagh dy hauail dooinney: chamoo oddys eh livrey dooinney erbee liorish mooadys e niart.

Jeremiah 46:23

Nee ad yn cheyll eck y yiarey sheese, ta’n Chiarn dy ghra, ga t’ad erskyn coontey, er-y-fa dy vel ad ny smoo na ny lheimeyderyn-faiyr, as erskyn-earroo.

Joshua 11:4

As hie ad magh, ad-hene as ooilley ny deiney caggee oc mâroo, ymmodee sleih, dy jarroo myr genniagh y traie ayns earroo, lesh cabbil as fainee ymmodee seihlt.

Briwnyn 6:3

As shen myr ve, tra va Israel er chuirr, dy daink ny Midianiteyn seose, marish ny Amalekiteyn, as cloan y shiar, noi oc;

Briwnyn 6:33

Eisht va ooilley ny Midianiteyn, as ny Amalekiteyn, as cummaltee’n shiar, er nyn jaglym cooidjagh, as hie ad harrish, as ren ad campal ayns coan Jezreel.

Briwnyn 6:5

Son haink ad seose lesh nyn maase as nyn gabbaneyn, as haink ad myr locustyn ayns earroo, son va chammah ad-hene as ny camelyn oc erskyn coontey: as haink ad stiagh ayns y cheer dy chur mow eh.

Briwnyn 7:13

As tra va Gideon er jeet, cur-my-ner, va dooinney ayns shen ginsh dreamal da e heshey, as dooyrt eh, Cur-my-ner, ren mish dreamal, as cur-my-ner, ren berreen dy arran-oarn rowlal stiagh ayns camp Vidian, as haink eh noi cabbane, as woaill eh yn chabbane, as ve lhieggit, dy huitt eh, ny lhie kiart rish y thalloo.

Briwnyn 8:10

Nish va Zebah as Zalmunna ayns Karkor, as nyn sheshaght-caggee mâroo, mysh queig thousane jeig, wheesh as va er-mayrn jeh ooilley ny sheshaghtyn-caggee cloan y shiar: son huitt shey-feed thousane dooinney va tayrn y chliwe.

1 Samuel 13:5

As haggil ny Philistinee ad-hene cooidjagh dy chaggey rish Israel, three thousane fainagh, as shey thousane markiaght, as ny coshee myr yn gheinnagh er oirr ny marrey ayns earroo: as haink ad seose, as ren ad campal ayns Michmash, shiar veih Beth-aven.

1 Samuel 30:17

As woaill David ad veih brishey’n laa gys fastyr laa-ny-vairagh; as cha ren dooinney jeu scapail, agh kiare cheead dy gheiney aegey, varkee ersooyl er camelyn.