Briwnyn 6:6 - Yn Vible Casherick 1775 1819

⁶ As va Israel er ny injillaghey gys lhag stayd kyndagh rish ny Midianiteyn; as deïe cloan Israel gys y Chiarn.

Briwnyn 6:6 ပူးပေါင်းရင်းမြစ်များ

Briwnyn 3:9

As tra ren cloan Israel gaccan gys y Chiarn, hrog y Chiarn seose fendeilagh da cloan Israel, ren ad y livrey, eer Othniel mac Kenaz, braar saa Caleb.

Jeremiah 5:17

As ee-ys ad seose yn troar ayd, as dty arran va kiarit son beaghey dty vec as dty inneenyn: nee ad gee seose dty hioltaneyn kirree as ollagh; nee ad gee seose messyn dty viljyn-feeyney as dty viljyn-figgagh: as dty ard-valjyn voallit, orroo v’ou cur dty varrant, ver ad naardey lesh y chliwe.

Psalmyn 50:15

As eïe orrym’s ayns traa dy heaghyn: myr shen neem’s geaishtagh rhyt, as nee oo mish y voylley.

Briwnyn 3:15

Agh tra ren cloan Israel gaccan gys y Chiarn, hrog y Chiarn seose daue fendeilagh, Ehud mac Gera, Benjamite, dooinney kiuttagh: as leshyn hug cloan Israel gioot gys Eglon ree Voab.

Malachi 1:4

As son wheesh as dy vel Edom gra, Ta shin er nyn leodaghey, agh nee mayd chyndaa as troggal ny buill faasagh, myr shoh ta Chiarn ny flaunyssee dy ghra, Nee adsyn troggal, agh lhieg-yms sheese, as nee sleih genmys ad, Yn oayll dy vee-chairys, as, Yn pobble fo jymmoose y Chiarn son dy bragh.

Hosea 5:15

Hem roym, as chyndaa-ym gys my ynnyd hene, derrey nee ad goaill-rish nyn loghtyn, as shirrey my eddin: ayns nyn seaghyn nee ad dy leah shirrey hym.

Isaiah 26:16

Hiarn, ayns seaghyn t’ad er yeeaghyn er dty hon; gheayrt ad magh padjer tra va dty smaght orroo.

Psalmyn 78:34

Tra stroie eh ad, ren ad eh y hirrey: as hyndaa ad ad-hene dy moghey, as ren ad briaght lurg Jee.

Deuteronomy 28:43

Yiow’n joarree, ta cummal mayrt, seose foddey er-dty-skyn: as hig uss sheese feer injil.

Briwnyn 6:7

As haink eh gy-kione, tra ren cloan Israel aghin gys y Chiarn kyndagh rish ny Midianiteyn,

Briwnyn 4:3

As ren cloan Israel gaccan gys y Chiarn; son va echey nuy cheead fainagh yiarn; as son feed bleïn ren eh dy mooar seaghney cloan Israel.

Briwnyn 10:10

As ren cloan Israel geamagh gys y Chiarn, gra, Ta shin er n’yannoo peccah dt’oï, er-yn-oyr dy vel shin chammah er dreigeil y Jee ain, as myrgeddin er hirveish Baalim.