Briwnyn 6:5 - Yn Vible Casherick 1775 1819

⁵ Son haink ad seose lesh nyn maase as nyn gabbaneyn, as haink ad myr locustyn ayns earroo, son va chammah ad-hene as ny camelyn oc erskyn coontey: as haink ad stiagh ayns y cheer dy chur mow eh.

Briwnyn 6:5 ပူးပေါင်းရင်းမြစ်များ

Arrane Solomon 1:5

O shiuish inneenyn Yerusalem, ta mee dorraghey myr cabbaneyn Chedar, agh stoamey myr curtanyn Solomon.

Isaiah 13:20

Cha bee eh dy bragh er ny chummal ayn, chamoo vees eh er ny vaghey ayn veih sheeloghe gys sheeloghe: cha jean yn Arabian soiaghey seose e chabbane ayn, chamoo nee ny bochillyn nyn mwoaillee ayns shen:

Isaiah 60:6

Nee camelyn erskyn earroo taaghey hood, dromedareeyn Vidian as Ephah; adsyn ooilley veih Sheba hig ad: ver ad lhieu airh as incense; as soilshee ad magh ard-voylley yn Chiarn.

Jeremiah 46:23

Nee ad yn cheyll eck y yiarey sheese, ta’n Chiarn dy ghra, ga t’ad erskyn coontey, er-y-fa dy vel ad ny smoo na ny lheimeyderyn-faiyr, as erskyn-earroo.

Jeremiah 49:29

Ny cabbaneyn as ny shioltaneyn oc nee ad goaill ersooyl: gowee ad daue hene ny curtanyn, as ooilley ny siyn oc, as nyn gamelyn; as nee ad geam huc, Ta aggle er dy chooilley heu.

Jeremiah 49:32

As bee ny camelyn oc son cragh, as earrooyn nyn ollagh son spooilley; as skeayl-yms lesh dy chooilley gheay adsyn ta ayns ny corneilyn sodjey magh, as veih dy chooilley ard ver-yms lhiam seaghyn orroo, ta’n Chiarn dy ghra.

Jeremiah 51:14

Ta Chiarn ny flaunyssee er loo liorish hene, gra, Shickyr lhieen-yms oo lesh deiney, myr lesh braddagyn; as troggee ad yllaghey dt’oï.

Deuteronomy 28:33

Mess dty halloo, as ooilley dty laboragh, nee ashoon, nagh nhione dhyt, gee seose; as bee oo tranlaasit, as freilt fo-chosh dy kinjagh:

Briwnyn 7:12

As va ny Midianiteyn, as ny Amalekiteyn, as ooilley cloan y shiar, lhie skeaylt ’sy choan myr locustyn son earroo; as va ny camelyn oc erskyn coontey, myr yn gheinnagh rish oirr ny marrey.

Briwnyn 8:10

Nish va Zebah as Zalmunna ayns Karkor, as nyn sheshaght-caggee mâroo, mysh queig thousane jeig, wheesh as va er-mayrn jeh ooilley ny sheshaghtyn-caggee cloan y shiar: son huitt shey-feed thousane dooinney va tayrn y chliwe.

Briwnyn 8:21

Eisht dooyrt Zebah as Zalmunna, Trog hene ort, as tuitt orrin: son myr ta’n dooinney, myrgeddin ta e niart. As dirree Gideon, as varr eh Zebah as Zalmunna, as ghow eh ny colliaryn aalin va mysh mwannallyn ny camelyn oc.

1 Samuel 30:17

As woaill David ad veih brishey’n laa gys fastyr laa-ny-vairagh; as cha ren dooinney jeu scapail, agh kiare cheead dy gheiney aegey, varkee ersooyl er camelyn.