Briwnyn 6:4 - Yn Vible Casherick 1775 1819

⁴ As ren ad campal nyn ’oï, as stroie ad messyn y thallooin, choud’s Gaza; as cha daag ad veg y veaghey da Israel, chamoo keyrrey, ny dow, ny assyl.

Briwnyn 6:4 ပူးပေါင်းရင်းမြစ်များ

Genesis 10:19

As va cagliagh ny Canaaniteyn veih Sidon, myr t’ou cheet gys Gerar, derrey Gaza; myr t’ou goll lesh Sodom as Gomorrah, as Admah, as Zeboim, eer gys Lashah.

Genesis 13:10

As hrog Lot seose e hooillyn: as hug eh my-ner ooilley strah Yordan, dy row ushtey dy mie ayn dy chooilley raad, roish my stroie yn Chiarn Sodom as Gomorrah, eer myr garey yn Chiarn, goll-rish cheer Egypt myr t’ou cheet lesh Zoar.

Raaghyn Creeney 28:3

Dooinney boght ta jannoo tranlaase er boght, t’eh myr fliaghey dewil stroie yn slane troar.

Jeremiah 5:17

As ee-ys ad seose yn troar ayd, as dty arran va kiarit son beaghey dty vec as dty inneenyn: nee ad gee seose dty hioltaneyn kirree as ollagh; nee ad gee seose messyn dty viljyn-feeyney as dty viljyn-figgagh: as dty ard-valjyn voallit, orroo v’ou cur dty varrant, ver ad naardey lesh y chliwe.

Leviticus 26:16

Shoh myrgeddin neem’s y yannoo riuish, ver-yms lhiam erriu atchim, consumption, as crayn-losht, ver naardey’n soilshey, as cur sneih er y chree; nee shiu cuirr nyn sheel ayns fardail, son nee nyn noidyn gee eh.

Obadiah 1:5

Kys t’ou er dty yiarey jeh! dy darragh maarlee ort, ny roosteyryn ny hoie, nagh jinnagh ad geid derrey veagh nyn saie oc? dy darragh ny teiyderyn feeyney hood, nagh vaagagh ad kuse jeh ny messyn?

Micah 6:15

Nee oo cuirr, agh cha jean oo buinn: nee oo broo ny oliveyn, agh cha jean oo oo-hene y ooilaghey lesh ooil; as feeyn noa, agh cha jean oo giu feeyn.

Deuteronomy 28:33

Mess dty halloo, as ooilley dty laboragh, nee ashoon, nagh nhione dhyt, gee seose; as bee oo tranlaasit, as freilt fo-chosh dy kinjagh:

Deuteronomy 28:51

As nee eh gee ingan dty vaase, as mess dty halloo, derrey vees oo stroit: cha vaag eh dhyt arroo, feeyn, ny ooil, ny bishagh dty ollagh, ny dty hioltaneyn keyrragh, derrey t’eh er dty stroie.

Briwnyn 6:3

As shen myr ve, tra va Israel er chuirr, dy daink ny Midianiteyn seose, marish ny Amalekiteyn, as cloan y shiar, noi oc;