Briwnyn 6:3 - Yn Vible Casherick 1775 1819

³ As shen myr ve, tra va Israel er chuirr, dy daink ny Midianiteyn seose, marish ny Amalekiteyn, as cloan y shiar, noi oc;

Briwnyn 6:3 ပူးပေါင်းရင်းမြစ်များ

Genesis 25:6

Agh da mec ny co-lhiabbee v’ec Abraham, hug eh giootyn, as hug eh ad ersooyl veih Isaac e vac (choud as v’eh foast bio) lesh y shiar, gys cheer y shiar.

Genesis 29:1

Eisht hie Jacob er e yurnah, as haink eh gys cheer pobble y shiar.

1 Reeaghyn 20:27

As va cloan Israel musterit, as ooilley arryltagh son y chaggey hie ad magh nyn ’oï: as ren cloan Israel campal kiongoyrt roo, goll-rish daa hioltane veggey dy vannanyn; agh lhieen ny Syrianee yn cheer.

1 Reeaghyn 4:30

As va creenaght Solomon erskyn creenaght ooilley cloan y cheer har, as ooilley creenaght Egypt.

1 Reeaghyn 5:10

Myr shen hug Hiram da Solomon biljyn-cedar as biljyn-juys, cordail rish ooilley e yeearree.

Lioar Yob 1:3

Va e chooid myrgeddin shiaght thousane keyrrey, as three thousaneyn dy chamelyn, as queig cheead whing dy ghew, as queig cheead assyl bwoirryn, as niart mooinjer; myr shen dy row yn dooinney shoh yn er s’berchee jeh ooilley deiney’n niar.

Lioar Yob 31:8

Eisht lhig dooys cuirr, as lhig da fer elley gee; dy jarroo, lhig da my luight ve astyrit ass ny fraueyn.

Exodus 17:8

Eisht haink Amalek, as ren ad caggey noi Israel ayns Rephidim.

Isaiah 11:14

Agh nee ad getlagh er geayltyn ny Philistinee lesh y sheear; nee ad spooilley adsyn jeh’n shiar cooidjagh: nee ad nyn laue y lhie er Edom as Moab; as ver cloan Ammon biallys daue.

Isaiah 62:8

Ta’n Chiarn er vreearrey liorish e laue yesh, as liorish niart e roih, Shickyr cha der-ym maghey shoh dty arroo dy ve beaghey da dty noidyn; chamoo nee yn chloan yoarree giu yn feeyn ayd’s t’ou er laboragh er y hon:

Jeremiah 49:28

Mychione Kedar, as mychione reeriaghtyn Hazor, nee Nebuchadrezzar ree Vabylon y woalley, myr shoh ta’n Chiarn dy ghra, Trog-jee erriu, seose-jee gys Kedar, as stroie-jee deiney yn shiar.

Ezekiel 25:3

As abbyr rish ny Ammoniteyn, Clasht-jee goo yn Chiarn Jee, Myr shoh ta’n Chiarn Jee dy ghra, Er son dy vel uss er ghra, Aha, noi yn ynnyd casherick aym’s, ec y traa ve er ny choyrt naardey, as noi thalloo Israel, tra ve treigit, as noi thie Yudah, tra v’ad goit ersooyl ayns cappeeys;

Ezekiel 25:4

Cur-my-ner, er-y-fa shen, neem’s uss y livrey gys deiney yn niar son eiraght, as nee ad soiaghey ny plaaseyn oc aynyd’s, as troggee ad nyn dhieyn aynyd: nee adsyn gee yn mess ayd’s, as nee ad giu dty vainney.

Leviticus 26:16

Shoh myrgeddin neem’s y yannoo riuish, ver-yms lhiam erriu atchim, consumption, as crayn-losht, ver naardey’n soilshey, as cur sneih er y chree; nee shiu cuirr nyn sheel ayns fardail, son nee nyn noidyn gee eh.

Micah 6:15

Nee oo cuirr, agh cha jean oo buinn: nee oo broo ny oliveyn, agh cha jean oo oo-hene y ooilaghey lesh ooil; as feeyn noa, agh cha jean oo giu feeyn.

Deuteronomy 28:51

As nee eh gee ingan dty vaase, as mess dty halloo, derrey vees oo stroit: cha vaag eh dhyt arroo, feeyn, ny ooil, ny bishagh dty ollagh, ny dty hioltaneyn keyrragh, derrey t’eh er dty stroie.

Briwnyn 10:12

Ren ny Zidonianee myrgeddin, as ny Amalekiteyn, as ny Maoniteyn tranlaase erriu; as deïe shiu hym’s, as ren mee nyn livrey ass yn laue oc.

Briwnyn 3:13

As ren eh chaglym huggey cloan Ammon as Amalek, as hie eh as woaill eh Israel, as ghow eh ard-valley ny biljyn-palm.

Briwnyn 6:2

As va laue Vidian er ny niartaghey noi Israel: as er-aggle roish ny Midianiteyn ren cloan Israel daue hene ooigyn ayns ny sleityn, as guaggyn follit, as cashtallyn lajer.

Briwnyn 6:33

Eisht va ooilley ny Midianiteyn, as ny Amalekiteyn, as cummaltee’n shiar, er nyn jaglym cooidjagh, as hie ad harrish, as ren ad campal ayns coan Jezreel.

Briwnyn 6:4

As ren ad campal nyn ’oï, as stroie ad messyn y thallooin, choud’s Gaza; as cha daag ad veg y veaghey da Israel, chamoo keyrrey, ny dow, ny assyl.

Briwnyn 7:12

As va ny Midianiteyn, as ny Amalekiteyn, as ooilley cloan y shiar, lhie skeaylt ’sy choan myr locustyn son earroo; as va ny camelyn oc erskyn coontey, myr yn gheinnagh rish oirr ny marrey.

Briwnyn 8:10

Nish va Zebah as Zalmunna ayns Karkor, as nyn sheshaght-caggee mâroo, mysh queig thousane jeig, wheesh as va er-mayrn jeh ooilley ny sheshaghtyn-caggee cloan y shiar: son huitt shey-feed thousane dooinney va tayrn y chliwe.