Briwnyn 5:6 - Yn Vible Casherick 1775 1819

⁶ Ayns laghyn Shamgar mac Anath, ayns laghyn Jael, cha row ny raaidyn mooarey er nyn daaghey, as ghow ny troailtee raaidyn follit.

Briwnyn 5:6 ပူးပေါင်းရင်းမြစ်များ

2 Recortyssyn 15:5

As ayns ny traaghyn shoh, cha bee veg y shee ny chour-syn hed magh, ny eshyn hig stiagh, agh bee seaghyn trome er ooilley cummaltee ny cheeraghyn.

Psalmyn 125:5

Er son nyn lheid as ta chyndaa reesht gys yn olkys oc hene: leeidee yn Chiarn ad magh marish ny drogh-yantee; agh bee shee er Israel.

Isaiah 33:8

Ta ny raaidyn mooarey gyn taaghey, cha vel troailtagh ry-akin orroo: t’eh er vrishey yn conaant, t’eh er hoiaghey beg jeh ny ard-valjyn, cha by-vooar lesh dooinney erbee.

Jeremiah 6:25

Ny gow-jee magh gys y vagher, chamoo shooyl-jee er y raad; son ta cliwe y noid as aggle er dy chooilley heu.

Dobberan 1:4

Ta raaidyn Zion dobberan, son nagh vel unnane taaghey ny feaillaghyn casherick: ta ooilley ny giattyn eck treigit: ta ny saggyrtyn eck gosnaghey, ta ny moidynyn eck seaghnit, as t’ee hene ayns sherriuid.

Dobberan 4:18

T’ad shelg nyn gesmadyn, nagh vod mayd goll trooid nyn straïdyn: ta’n jerrey ain er-gerrey, ta nyn laghyn harrish, son ta’n jerrey ain er jeet.

Leviticus 26:22

Nee’m marish shoh cur beishtyn feïe ny-vud eu, nee spooilley shiu jeh nyn gloan, as stroie nyn maase, as jannoo shiuish beggan ayns earroo; as bee nyn raaidyn mooarey treigit.

Micah 3:12

Shen-y-fa kyndagh riuish bee Zion er ny hraaue myr magher, as hig Jerusalem dy ve carnaneyn, as bee slieau yn chiamble myr ard-aasaghyn ny keylley.

Briwnyn 3:31

As ny lurg-syn hrog Shamgar, mac Anath, varr jeh ny Philistinee shey cheead dooinney lesh lorg immanagh: as ren eshyn myrgeddin livrey Israel.

Briwnyn 5:7

Hie ny baljyn-cheerey naardey, hie ad naardey ayns Israel, derrey dirree mish Deborah, derrey dirree mish my voir ayns Israel.