Briwnyn 5:4 - Yn Vible Casherick 1775 1819

⁴ Hiarn, tra hie uss magh veih Seir, tra v’ou nyn leeideilagh trooid magher Edom, ren y thalloo craa, as yn aer taarnaghey, gheayrt ny bodjallyn myrgeddin neose thooillaghyn.

Briwnyn 5:4 ပူးပေါင်းရင်းမြစ်များ

Genesis 32:4

As hug eh currym orroo, gra, Myr shoh nee shiu loayrt rish my hiarn Esau: Ta dty harvaant Jacob gra myr shoh: Ta mee er cheau my hraa marish Laban, as er vuirriaght ayns shen derrey nish:

2 Samuel 22:8

Eisht va’n thalloo er ny ghleashagh, as ren eh craa; ren undinyn niau scughey, as v’ad er-creau, ec e yymmoose.

Lioar Yob 9:6

Ta craa yn thalloo ass e ynnyd, as ta ny undinyn eck er-creau;

Psalmyn 68:9

Hug uss, O Yee, fliaghey graysoil er dt’eiraght: as dooiree oo eh tra ve tooillit.

Psalmyn 77:17

Gheayrt ny bodjallyn magh ushtey, ren yn aer taarnaghey: as hie dty hideyn magh dy lhean.

Psalmyn 77:18

Va feiyr dty haarnagh er ny chlashtyn dy chooilley raad mygeayrt: ren dty hendreil cur soilshey er y thalloo, va’n ooir er ny ghleashaght, as ooilley er-creau.

Isaiah 63:19

Lhiat’s ta shin: cha row adsyn rieau fo dty reill; cha row yn ennym ayd’s cowrit orroosyn.

Micah 1:4

As fosyn bee ny sleityn lheït as scoltaghyn ayns ny coanyn; myr kere-volley roish yn aile, as myr ny ushtaghyn ta roie sheese lesh yn eaynee.

Deuteronomy 33:2

As dooyrt eh, Haink y Chiarn [mârin] veih Sinai, as veih Seir v’eh nyn leeideilagh: ren eh soilshean magh veih cronk Paran, as haink eh lesh jeih thousaneyn jeh e nooghyn: veih e laue yesh hie magh e leigh, ayns aile as taarnagh.

Hebrewnee 12:26

E choraa ren ec y traa shen yn thalloo y chraa: agh nish t’eh er ghialdyn, gra, Foast keayrt elley nee’m craa cha nee ynrycan y thalloo, agh niau myrgeddin.