Briwnyn 5:3 - Yn Vible Casherick 1775 1819

³ Clasht-jee, O shiuish reeaghyn; eaisht-jee shiuish phrinceyn: neem’s, dy jarroo mish, nee goaill arrane gys y Chiarn; neem’s arrane-moyllee y ghoaill gys y Chiarn Jee Israel.

Briwnyn 5:3 ပူးပေါင်းရင်းမြစ်များ

Genesis 6:17

As cur-my-ner, ver-yms lhiam son shickyrys thooilley dy ushtaghyn er y thalloo dy stroie dy chooilley eill, ayn ta’n ennal y vea, fo’n aer: as yiow dy chooilley nhee t’er y thalloo baase.

Genesis 9:9

As mish, cur-my-ner, ta mish niartaghey my chonaant riuish, as nyn sluight nyn yeï;

1 Reeaghyn 18:22

Eisht dooyrt Elijah rish y pobble, She mish, dy jarroo mish my-lomarcan, t’er-mayrn ayns shoh jeh phadeyryn y Chiarn; agh ta phadeyryn Vaal kiare cheead as jeih as da-eed.

1 Reeaghyn 19:10

As dooyrt eh, Ta mee er ve feer eadolagh son y Chiarn Jee jeh’n cheshaght-flaunyssagh: son ta cloan Israel er hreigeil dty chonaant, er lhieggal dty altaryn, as er varroo dty adeyryn lesh y chliwe: as ta mish, dy jarroo mish my-lomarcan, faagit er-mayrn; as t’ad shirrey my vioys, dy ghoaill eh ersooyl.

1 Reeaghyn 19:14

As dooyrt eh, Ta mee er ve feer eadolagh son y Chiarn Jee jeh’n cheshaght-flaunyssagh; er-yn-oyr dy vel cloan Israel er hreigeil dty chonaant, er lhieggal dty altaryn, as er varroo dty adeyryn lesh y chliwe: as mish, dy jarroo mish my-lomarcan ta faagit er-mayrn, as t’ad shirrey my vioys, dy ghoaill eh ersooyl.

Ezra 7:21

As ta mish, eer mee hene Artaxerxes y ree, cur magh sarey da ooilley ny resowryn ta cheu elley jeh’n awin, cre-erbee hirrys Ezra yn saggyrt, scrudeyr ayns leigh Yee flaunys, erriu, dy bee eh jeant ass laue;

Psalmyn 119:46

Loayr-yms jeh dty recortyssyn myrgeddin, dy jarroo fenish reeaghyn: as cha jean-ym nearey ’ghoaill.

Psalmyn 146:2

O ny cur-jee nyn marrant er princeyn, ny er veg jeh cloan gheiney: son cha vel veg y chooney ayndoo.

Psalmyn 27:6

As nish troggee eh seose my chione: erskyn my noidyn mygeayrt-y-moom.

Psalmyn 61:8

Myr shen goym dy kinjagh arrane-moyllee gys dt’annym: dy voddym gagh laa my vreearraghyn y chooilleeney.

Exodus 31:6

As mish, cur-my-ner, ta mish er choyrt mârish, Aholiab mac Ahisamach jeh tribe Dan; as ayns ny creeaghyn ocsyn ooilley ta tushtagh ta mee er choyrt creenaght; dy vod ad jannoo ooilley ny ta mee er harey dhyt:

Leviticus 26:28

Eisht beem’s nyn ’oï eu eer ayns dewlys: as mish, mee hene, nee shiuish y smaghtaghey shiaght keayrtyn smoo son nyn beccaghyn.

Deuteronomy 32:1

Eaisht-jee, O shiuish niaughyn, as neem’s loayrt; as clasht, O halloo, rish goan my veeal.

Deuteronomy 32:3

Choud’s ta mee fockley magh ennym y Chiarn: Cur-jee ooashley ard da’n Jee ain.

Briwnyn 5:7

Hie ny baljyn-cheerey naardey, hie ad naardey ayns Israel, derrey dirree mish Deborah, derrey dirree mish my voir ayns Israel.