Briwnyn 5:23 - Yn Vible Casherick 1775 1819

²³ Gwee-jee mollaght er Meroz, (dooyrt ainle y Chiarn;) gwee-jee mollaght trome er ny cummaltee eck; er-yn-oyr nagh daink ad gys cooney yn Chiarn, gys cooney’n Chiarn noi’n vooinjer niartal.

Briwnyn 5:23 ပူးပေါင်းရင်းမြစ်များ

Nehemiah 3:5

As hrog ny Tekoiteyn yn ayrn by-niessey dauesyn; agh cha dug ny ard-gheiney oc nyn mwannal gys obbyr y Chiarn.

Psalmyn 94:16

Quoi nee girree seose mârym noi ny mee-chrauee: ny quoi hassys er my heu noi ny drogh-yantee?

Jeremiah 48:10

Cursit dy row eshyn ta jannoo obbyr y Chiarn dy molteyragh, as mollaght dy row ersyn ta lhiettal e chliwe veih fuill.

Noo Mian 25:41

Eisht jir eh roosyn myrgeddin er y laue chiare, Immee-jee voym, chloan chustey gys yn aile dy bragh farraghtyn, kiarit son y drogh-spyrryd as e ainleyn.

Romanee 15:18

Son cha goym orrym dy loayrt jeh veg jeh ny reddyn shen nagh vel Creest er n’obbraghey liorym, ayns tayrn ny Ashoonee gys biallys, liorish raa as jannoo.

1 Corinthianee 16:22

My ta dooinney erbee nagh vel graih echey er y Chiarn Yeesey Creest, lhig da ve Anathema Maranatha.

1 Corinthianee 3:9

Son ta shinyn co-obbreeyn fo Jee: ta shiuish farrysthie Yee, shiuish troggal Yee.

2 Corinthianee 6:1

Ta shinyn eisht, myr fir-choonee mârishyn, guee erriuish myrgeddin, nagh jean shiu grayse Yee y ghoaill ayns fardail:

Briwnyn 13:3

As haink ainle y Chiarn gys y ven, as dooyrt eh r’ee, Cur-my-ner nish, t’ou uss gennish, as gyn cloan: agh nee oo giennaghtyn, as gymmyrkey mac.

Briwnyn 2:1

As haink ainle y Chiarn seose veih Gilgal gys Bochim, as dooyrt eh, Hug mee lhiam shiu ass Egypt, as er leeideil shiu gys y cheer ren mee gialdyn da ny ayraghyn eu; as dooyrt mee, Cha brish-ym dy bragh my chonaant riu.

Briwnyn 21:5

As dooyrt cloan Israel, Quoi t’ayn mastey ooilley tribeyn Israel nagh daink seose marish y cheshaght gys y Chiarn? son v’ad er n’yannoo breearrey chion n’oï-syn nagh daink seose gys y Chiarn gys Mizpeh, gra, Bee eh dy shickyr er ny choyrt gy-baase.

Briwnyn 21:8

As dooyrt ad, Quoi t’ayn jeh tribeyn Israel, nagh daink seose gys Mizpeh gys y Chiarn? As cur-my-ner, cha daink dooinney veih Jabesh-gilead gys y champ ec yn eam.

Briwnyn 4:6

As hug ee chaghteraght gys Barak mac Abinoam veih Kedesh-naphtali, as dooyrt ee rish, Nagh vel y Chiarn Jee Israel er harey, gra, Immee, as tayrn gys slieau Tabor, as gow mayrt jeih thousane dooinney jeh cloan Naphtali, as jeh cloan Zebulun?

Briwnyn 5:13

Eisht va reill echeysyn va er-mayrn harrish princeyn nyn noidyn: yn Chiarn t’er choyrt dooys barriaght harrish y vooinjer niartal.

Briwnyn 6:11

As haink ainle y Chiarn, as hoie eh fo billey-darragh va ayns Ophrah, va lesh Joash yn Abi-ezrite: as va e vac Gideon bwoalley curnagh liorish yn press-feeyney, dy cheiltyn eh veih ny Midianiteyn.

Briwnyn 8:5

As dooyrt eh rish deiney Succoth, Cur-jee, ta mee guee erriu, bwilleenyn arran da’n pobble ta geiyrt orrym; son t’ad gannooinaghey, as ta mee geiyrt er Zeba as Zalmunnah, reeaghyn Vidian.

Briwnyn 8:6

As dooyrt princeyn Succoth, Vel laueyn Zebah as Zalmunnah nish fo dty laue’s, dy jinnagh shinyn arran da’n armee ayd’s?

Briwnyn 8:8

As hie eh seose veih shen gys Penuel, as loayr eh roosyn myrgeddin: as dansoor deiney Penuel eh myr ren deiney Succoth.

1 Samuel 17:47

As bee fys ec y slane sheshaght shoh nagh vel y Chiarn sauail lesh cliwe as shleiy: son ta’n caggey lesh y Chiarn, as nee eh shiuish y livrey gys ny laueyn ainyn.

1 Samuel 18:17

As dooyrt Saul rish David, Cur-my-ner, my inneen shinney Merab, ish ver-ym dhyt son ben; ynrycan bee uss dunnal er my hon, as jean caggey ayns lieh’n Chiarn: son dooyrt Saul, Ny lhig da my laue’s ve er, agh lhig da tuittym liorish laueyn ny Philistinee.

1 Samuel 25:28

Leih dou, ta mee guee ort, loght dty harvaant: son nee’n Chiarn son shickyrys thie my hiarn y niartaghey: er-yn-oyr dy vel my hiarn caggey ayns lieh’n Chiarn, as cha vel olkys er ve cronnit aynyd ooilley dty laghyn.

1 Samuel 26:19

Nish er-y-fa shen, ta mee guee ort, lhig da my hiarn y ree geaishtagh rish goan dty harvaant: my she’n Chiarn t’er dty ghreinnaghey m’oï, lhig da soiaghey jeh my vioys son lhiasaghey: agh my she cloan gheiney ad, my vollaght orroo fenish y Chiarn; son t’ad er my imman magh ’sy traa t’ayn veih cummal ayns eiraght y Chiarn, wheesh as dy ghra, Immee, as shirveish jeeghyn joarree.