Briwnyn 5:2 - Yn Vible Casherick 1775 1819

² Cur-jee moylley da’n Chiarn son goaill cooilleeney da Israel, tra ren y pobble dy arryltagh chebbal ad hene.

Briwnyn 5:2 ပူးပေါင်းရင်းမြစ်များ

2 Recortyssyn 17:16

As by-niessey dasyn Amasiah mac Zichri, ren dy arryltagh chebbal eh-hene da’n Chiarn; as mârishyn daa cheead thousane dooinney niartal as dunnal.

Nehemiah 11:2

As vannee yn pobble ooilley ny deiney, heb ad-hene dy arryltagh, dy chummal ayns Jerusalem.

Psalmyn 103:2

Bannee yn Chiarn, O m’annym: as ny jarrood ooilley e hoyrtyssyn;

Psalmyn 110:3

Ayns laa dty phooar nee’n pobble ourallyn-arryltagh y hebbal hood’s lesh ooashley crauee: ta druight yn cheet ayd er y theihll veih breïn y voghrey.

Psalmyn 136:15

Agh er son Pharaoh as e heshaght-chaggee, ren eh adsyn y stroie ayns yn aarkey Jiarg: son ta e vyghin farraghtyn son dy bragh.

Psalmyn 18:47

Ta’n Chiarn bio, as bannit dy row m’er-coonee niartal: as moylley dy row gys Jee my haualtys;

Psalmyn 48:11

Shooill-jee mysh Sion, as immee-jee mygeayrt-y-mooee: as gow-jee coontey ny tooryn eck.

Psalmyn 94:1

O Hiarn Yee, dhyt’s ta bentyn dy ghoaill kerraghey: uss Yee, dhyt’s ta kerraghey bentyn, jean oo hene y hoilshaghey.

Psalmyn 97:8

Cheayll Sion jeh shoh, as ghow ee boggey: as va inneenyn Yudah gennal, er graih dty vriwnyssyn, O Hiarn.

1 Corinthianee 9:17

Son my ta mee jannoo shoh dy arryltagh, ta leagh my chour: agh my she noi m’aigney, ta preacheil y sushtal fo my churrym dy chooilleeney.

2 Corinthianee 8:12

Son my ta’n aigney hoshiaght arryltagh, ta soiagh jeant jeh cordail rish fort y dooinney, as cha nee cordail rish shen nagh vel echey.

2 Corinthianee 9:7

Lhig da dy chooilley ghooinney coyrt da’n voght, myr ta e chree coyrt roish; cha nee mooaraghey, ny myr dy beagh eh êginit huggey: son shynney lesh Jee eshyn ta coyrt dy aggindagh.

Deuteronomy 32:43

Gow-jee boggey, marish e phobble, O shiuish ashoonyn: son nee eh cooilleeney ’ghoaill son fuill e harvaantyn, as kerraghey er e noidyn, as bee eh myghinagh da e heer, as da e phobble.

Deuteronomy 33:21

As ghow eh yn chied ayrn myr reih da hene, son shen y raad va e eiraght er ny hickyraghey da [liorish Moses] as haink eh marish leeideilee yn pobble, chooilleen eh cairys y Chiarn, as e vriwnyssyn rish Israel.

Philippianee 2:13

Son she Jee ta gobbraghey ayndiu, chammah dy smooinaghtyn er, as dy yannoo jeh e aigney-mie hene.

Philemon 1:14

Agh noi dt’aigney cha jinnin nhee erbee; nagh beagh dty aigney-mie myr êginit, agh dy arryltagh.

Ashlish 18:20

Bee-jee boggyssagh er-e-skyn, uss niau, as shiuish ostyllyn as phadeyryn casherick, son ta Jee er choyrt cooilleeney diu urree.

Ashlish 19:2

Son kiart as cairagh ta e vriwnyssyn; son t’eh er vriwnys y streebagh vooar, hug y seihll er-shaghryn liorish y streebeeys eck, as t’eh er ghoaill cooilleeney veih ny laueyn eck son fuill e harvaantyn.

Briwnyn 5:9

Ta my chree lesh leeideilee Israel, ren dy arryltagh chebbal ad-hene mastey’n pobble. Bannee-jee yn Chiarn.