Briwnyn 5:13 - Yn Vible Casherick 1775 1819

¹³ Eisht va reill echeysyn va er-mayrn harrish princeyn nyn noidyn: yn Chiarn t’er choyrt dooys barriaght harrish y vooinjer niartal.

Briwnyn 5:13 ပူးပေါင်းရင်းမြစ်များ

Psalmyn 49:14

T’ad lhie ’syn oaie myr kirree ta’n baase caigney orroo, as bee reill ec y sleih cairal harrystoo ’sy voghrey: hed yn aalid oc mow ayns yn oaie ass ny cummallyn oc.

Psalmyn 75:7

Son cha vel stayd ard cheet veih’n niar, ny veih’n neear: ny foast veih’n jiass.

Ezekiel 17:24

As bee fys ec ooilley biljyn y vagher, dy nee mish y Chiarn, t’er lhieggal y billey ard, as t’er hroggal y billey injil, t’er fioghey yn billey glass, as er chur er y billey creen dy vlaaghey: mish y Chiarn t’er loayrt, as er chooilleeney eh.

Romanee 8:37

Agh ta shin er n’gheddyn ny smoo na’n varriaght ayns ooilley ny reddyn shoh, ny hrooidsyn hug graih dooin.

Ashlish 3:9

Cur-my-ner, ver-ym orroosyn jeh keeill Satan (ta gra dy nee Hewnyn ad, as nagh nee, agh ta breagagh) cur-my-ner, ver-yms orroo cheet as ooashley ’choyrt ec dty chassyn, as toiggal dy vel mish er ve graihagh ort.

Briwnyn 5:12

Dooisht oo, dooisht oo, Deborah; dooisht, dooisht; gow lesh dt’arrane-moyllee: trog ort, Barak, as leeid dty chappee ayns cappeeys, uss vac Abinoam.

Briwnyn 5:14

Ass Ephraim haink fraue jeu noi Amalek; dty lurg’s, haink Benjamin, mastey dty phobble: veih Machir haink sheese fir-reill, as veih Zebulun adsyn ta geiyrt pen y scrudeyr.

Briwnyn 5:23

Gwee-jee mollaght er Meroz, (dooyrt ainle y Chiarn;) gwee-jee mollaght trome er ny cummaltee eck; er-yn-oyr nagh daink ad gys cooney yn Chiarn, gys cooney’n Chiarn noi’n vooinjer niartal.