Briwnyn 5:12 - Yn Vible Casherick 1775 1819

¹² Dooisht oo, dooisht oo, Deborah; dooisht, dooisht; gow lesh dt’arrane-moyllee: trog ort, Barak, as leeid dty chappee ayns cappeeys, uss vac Abinoam.

Briwnyn 5:12 ပူးပေါင်းရင်းမြစ်များ

Psalmyn 108:2

Dooisht, uss lute as chlaasagh: dooisht-yms mee hene feer voghey.

Psalmyn 57:8

Ta my chree soit er, O Yee, ta my chree soit er: goym arrane, as ver-ym moylley.

Psalmyn 57:9

Dooisht seose, my ghloyr; dooisht lute as chlaasagh: dooisht-yms mee-hene feer voghey.

Psalmyn 68:18

T’ou er n’gholl seose er yn yrjid, t’ou er leeideil cappeeys ayns bondiaght, as er gheddyn giootyn son deiney: dy jarroo, son dt’eer noidyn, dy voddagh y Chiarn Jee cummal ny mast’ oc.

Isaiah 14:2

As nee yn pobble ad y ghoaill, as ver ad lhieu ad gys nyn ynnyd hene, as nee thie Israel freayll ad ayns cheer y Chiarn, son fir-vooinjerey as sharvaantyn: as nee ad adsyn y ghoaill son cappee, dauesyn v’ad-hene roïe nyn gappee; as nee ad reill harrish nyn dranlaasee.

Isaiah 33:1

Smerg dhyt’s ta spooilley, as nagh r’ou hene spooillit; as ta dellal dy molteyragh, as nagh ghell adsyn dy molteyragh rhyt’s! tra nee oo scuirr veih spooilley, bee oo hene er dty spooilley; as tra scuirrys oo veih dellal dy molteyragh, dellee adsyn dy molteyragh rhyt’s.

Isaiah 51:17

Dooisht, dooisht, shass seose, O Yerusalem, t’er n’iu veih laue yn Chiarn cappan e eulys: t’ou uss er n’iu drundin y chappan atchimagh, as er hraastey ad.

Isaiah 51:9

Trog ort, trog ort, coamree oo hene lesh niart, O roih’n Chiarn; trog ort, myr ayns ny shenn laghyn, ayns ny sheelogheyn t’er n’gholl shaghey. Nagh nee uss eh t’er chraghey Rahab, as er lhottey yn dragon?

Isaiah 60:1

Trog ort, jean soilshean; son ta dty hoilshey er jeet, as ta gloyr y Chiarn er n’irree ort.

Jeremiah 31:26

Er shoh ghooisht mee, as hug mee my-ner; as va my chadley kiune dou.

1 Corinthianee 15:34

Dooisht-jee gys cairys, as ny cur-jee rish peccah; son ta paart nagh vel tushtey oc dy Yee: ta mee gra shoh gys y nearey eu.

Ephesianee 4:8

Shen-y-fa t’eh gra, Tra hie eh seose er yn yrjey, ren eh cappeeys y leeideil ayns barriaght, as hug eh giootyn da deiney.

Ephesianee 5:14

Shen-y-fa t’eh gra, Dooisht, uss ta dty chadley, as irree veih ny merriu, as ver Creest soilshey diu.

2 Timothy 2:26

As dy vod ad feaysley ad-hene ass ribbey yn drogh-spyrryd, ta goit nyn gappee liorishyn ec e aigney.

Briwnyn 5:13

Eisht va reill echeysyn va er-mayrn harrish princeyn nyn noidyn: yn Chiarn t’er choyrt dooys barriaght harrish y vooinjer niartal.