Briwnyn 5:11 - Yn Vible Casherick 1775 1819

¹¹ Adsyn t’er nyn livrey veih feiyr-caggee ny sideyryn liorish ny chibbraghyn ushtey, shen y raad nee ad loayrt jeh obbraghyn cairal y Chiarn, eer e obbraghyn cairal rish cummaltee e valjyn-cheerey ayns Israel: eisht nee pobble y Chiarn reesht taaghey ny giattyn.

Briwnyn 5:11 ပူးပေါင်းရင်းမြစ်များ

Genesis 24:11

As hug eh nyn aash da ny camelyn, cheu-mooie jeh’n ard-valley, liorish chibbyr-ushtey, ’syn astyr, tra va ny mraane goll magh dy hayrn ushtey.

Genesis 29:2

As yeeagh eh, as honnick eh chibbyr ’sy vagher, as cur-my-ner, va three shioltaneyn dy chirree nyn lhie liorish: son veih’n chibbyr shen hug ad lhieu ushtey gys ny shioltaneyn: as va clagh vooar er beeal y chibbyr.

Genesis 29:3

As gys shen va ooilley ny shioltaneyn er nyn jaglym, as scugh ny bochillyn yn chlagh veih beeal y chibbyr, as hug ad ushtey da ny kirree, as hug ad y chlagh reesht er beeal y chibbyr, ayns e ynnyd hene.

Lioar Yob 29:7

Tra hie mee magh er y yiat, trooid yn ard-valley, tra hoie mee er y stoyl-briwnys ’sy traid;

Psalmyn 145:7

Bee imraa er ny yannoo jeh ymmodee dty chenjallys: as gowee sleih arraneyn jeh dty chairys.

Psalmyn 71:15

T’ou uss, O Yee, er m’ynsaghey veih m’aegid derrey nish: shen-y-fa soilshee-yms magh dty obbraghyn yindyssagh.

Isaiah 12:3

Shen-y-fa nee shiu tayrn ushtey lesh boggey ass ny chibbraghyn dy haualtys.

Isaiah 28:6

As son spyrryd dy vriwnys dasyn ta soie ayns briwnys, as son niart dauesyn ta chyndaa yn chaggey gys y yiat.

Jeremiah 7:2

Shass ayns giat thie’n Chiarn, as jean fockley-magh ayns shen ny goan shoh, as abbyr, Clasht-jee goo yn Chiarn, ooilley shiuish sleih Yudah, ta goll stiagh er ny giattyn shoh dy chur ooashley da’n Chiarn:

Dobberan 5:4

Ta shin er n’iu yn ushtey ain son argid, as ta’n fuygh ain creckit rooin.

Dobberan 5:9

Lesh gaue nyn mioys, roish foyr y chliwe, hooar shin nyn arran ’syn aasagh.

Micah 6:5

O my phobble, cooinee-jee nish er y choyrle ghow Balak ree Voab, as cre ren Balaam mac Veor eh y reggyrt voish Shittim gys Gilgal, dy vod shiu toiggal cairys y Chiarn.

Deuteronomy 22:24

Eisht ver shiu lhieu ad nyn-neesht magh gys giat yn ard-valley shen, as claghey ad gy-baase; yn ven aeg son nagh dyllee ee magh, myr v’ee ’syn ard-valley: as y dooinney, son dy vel eh er n’injillaghey ben e naboo: myr shoh ver oo ersooyl yn olk veih ny mast’ eu.

Deuteronomy 33:21

As ghow eh yn chied ayrn myr reih da hene, son shen y raad va e eiraght er ny hickyraghey da [liorish Moses] as haink eh marish leeideilee yn pobble, chooilleen eh cairys y Chiarn, as e vriwnyssyn rish Israel.

Briwnyn 11:40

Dy jagh inneenyn Israel dy chooilley vleïn dy ghobberan marish inneen Jephthah yn Gileadite kiare laa ’sy vleïn.

Briwnyn 5:8

Reih ad jeeghyn noa; eisht va caggey ayns ny giattyn: row scape ny shleiy ry-akin mastey da-eed thousane ayns Israel?

1 Samuel 12:7

Nish er-y-fa shen, eaisht-jee rhym, dy voddym resooney riu kiongoyrt rish y Chiarn mychione ooilley obbraghyn myghinagh y Chiarn, ren eh er nyn son euish, as son nyn ayraghyn.