Briwnyn 5:1 - Yn Vible Casherick 1775 1819

¹ Eisht ghow Deborah, as Barak mac Abinoam, arrane-moyllee er y laa shen, gra,

Briwnyn 5:1 ပူးပေါင်းရင်းမြစ်များ

2 Samuel 22:1

As ghow David gys y Chiarn goan yn arrane-moyllee shoh, er y laa va’n Chiarn er livrey eh ass laue ooilley e noidyn, as veih laue Saul.

2 Recortyssyn 20:21

As tra v’eh er ghoaill coyrle y pobble, phoint eh arrane dy choyrt ard-voylley da’n Chiarn ayns aalid e chasherickys, myr v’ad goll magh roish y cheshaght-chaggee, as dy ghra, Moylley-jee’n Chiarn, son ta e vyghin farraghtyn son dy bragh.

2 Recortyssyn 20:27

Eisht hyndaa ooilley deiney Yudah as Yerusalem, as Jehoshaphat ec y chione oc, dy gholl reesht gys Jerusalem lesh boggey: son va’n Chiarn er choyrt daue boggey harrish nyn noidyn.

Lioar Yob 36:24

Cooinee dy der oo ard-voylley da son e obbraghyn, ta deiney cur-my-ner.

Lioar Yob 38:7

Tra ren rollageyn y voghrey nyn arraneyn-moyllee y ghoaill cooidjagh, as tra ren ooilley cloan Yee troggal seose nyn goraa son boggey?

Psalmyn 18:1

Ver-yms graih dhyt, O Hiarn, my niart; she’n Chiarn my chreg lajer, as m’endeilys: my Haualtagh, my Yee, as my hroshid, huggey ver-ym barrant; my eïlley-caggee, troshid myrgeddin my hauchys, as my chemmyrk.

Psalmyn 32:7

Son shoh nee dagh dooinney ta crauee, jannoo e phadjer hood, ayns traa oddys oo v’er dty gheddyn: agh ayns ny thooillaghyn mooarey dy ushtey cha jig ad ny choair.

Exodus 15:1

Eisht hrog Moses as cloan Israel yn arrane-moyllee shoh gys y Chiarn, gra, Neem’s kiaulleeaght gys y Chiarn: son t’eh dy gloyroil er gheddyn barriaght; yn cabbyl as e varkiagh t’eh er cheau ’syn aarkey.

Exodus 15:21

As hie Miriam lhieu, Jean-jee kiaulleeaght gys y Chiarn; son t’eh dy gloyroil er gheddyn barriaght; yn cabbyl as e varkiagh t’eh er vaih ’syn aarkey.

Isaiah 25:1

O Hiarn, she uss my Yee; ver-ym ard-ooashley dhyt, ver-ym moylley da dty ennym; son t’ou er n’yannoo reddyn yindyssagh; ta ny coyrleyn ayd’s er-dyn toshiaght cairys as firrinys.

Isaiah 26:1

’Sy laa shen bee yn arrane shoh er ny ghoaill ayns cheer Yudah; Ta ard-valley lajer ain: saualtys nee Jee pointeil son voallaghyn as bulwarkyn.

Earrooyn 21:17

Eisht ghow Israel yn arrane shoh, Geill seose, O hibbyr, ass y farrane; gow-jee mygeayrt lesh yn arrane:

Noo Luke 1:46

As dooyrt Moirrey, Ta m’annym cur ard-voylley da’n Chiarn.

Briwnyn 4:24

As va laue cloan Israel er ny niartaghey, dy dooar ad y varriaght er Jabin ree Chanaan, derrey v’ad er stroie Jabin ree Chanaan.

Briwnyn 4:4

As va Deborah yn phadeyr, ben Lapidoth, briwnys Israel ec y traa shen.

1 Samuel 2:1

As vrish Hannah magh ayns arrane-moyllee, as dooyrt ee, Ta my chree goaill boggey ayns y Chiarn; ta my chione er ny hroggal seose ayns y Chiarn; my veeal foddym nish fosley dy loayrt rish my noidyn; er-yn-oyr dy vel mee goaill slane boggey ayns dty haualtys.