Briwnyn 4:9 - Yn Vible Casherick 1775 1819

⁹ As dooyrt ee, Neem’s son shickyrys goll mayrt: agh ny-yeih cha bee’n jurnah shoh t’ou dy ghoaill gys dty ooashley; son nee’n Chiarn Sisera y livrey gys laue ben. As hrog Deborah urree, as hie ee marish Barak gys Kedesh.

Briwnyn 4:9 ပူးပေါင်းရင်းမြစ်များ

2 Recortyssyn 26:18

As hass ad seose noi Uzziah yn ree, as dooyrt ad rish, Cha vel eh lowal dhyt’s, Uzziah, dy hebbal incense gys y Chiarn, son ta shen er currym ny saggyrtyn mec Aaron, t’er nyn gasherickey dy hebbal incense: faag yn ynnyd casherick shoh, son t’ou er gholl harrish y leigh, chamoo vees eh gys dt’onnor veih’n Chiarn Jee.

Briwnyn 2:14

As va jymmoose yn Chiarn er ny vrasnaghey noi Israel, as ren eh ad y livrey gys laueyn ny spooilleyderyn ren ad y roostey, as chreck eh ad gys laueyn nyn noidyn ooilley mygeayrt, myr shen nagh voddagh ad veg sodjey shassoo roish nyn noidyn.

Briwnyn 4:8

As dooyrt Barak r’ee, My hed uss mârym, eisht neem’s goll: agh mannagh jed uss mârym, eisht cha jean-yms goll.

Briwnyn 9:53

Agh cheau ben dy row peesh dy chlagh-wyllin er kione Abimelech, as vrish ee dy peeshyn e chlaigin.

Briwnyn 9:54

Eisht deïe eh dy siyragh gys y dooinney aeg e armyder, as dooyrt eh rish, Tayrn dty chliwe, as marr mee, nagh jir ad, She ben ren y varroo eh. As roie yn dooinney aeg eh trooid, as shoh myr hooar eh baase.

1 Samuel 2:30

Shen-y-fa ta’n Chiarn, Jee Israel, gra, Dooyrt mee, dy jarroo, dy jinnagh dty hie’s, as thie dt’ayrey shirveish kiongoyrt rhym son dy bragh: agh nish ta’n Chiarn gra, Dy row shen foddey voym; son ver-yms ooashley dauesyn, ta coyrt ooashley dou as bee beg er ny hoiaghey jeusyn, ta soiaghey beg jeem’s.