Briwnyn 4:7 - Yn Vible Casherick 1775 1819

⁷ As tayrn-yms hood, gys awin Kishon, Sisera captan armee Yabin, marish ny fainee echey as e heshaght-chaggee; as livrey-yms eh gys dty laue.

Briwnyn 4:7 ပူးပေါင်းရင်းမြစ်များ

1 Reeaghyn 18:40

As dooyrt Elijah roo, Gow-jee phadeyryn Vaal; ny lhig da fer jeu scapail. As ghow ad ad: as hug Elijah lesh ad sheese gys strooan Kishon, as ayns shen v’ad er nyn goyrt gy-baase.

Exodus 14:17

As neem’s, cur-my-ner, neem’s creeaghyn ny Egyptianee y chreoghey, as hed ad geiyrt orroo: as yioyms dou hene ooashley harrish Pharaoh, as ooilley e heshaght-chaggee, er ny fainee, as er ny markee echey.

Exodus 14:4

As neem’s cree Pharaoh y chreoghey, dy jed eh er nyn eiyrt; as yioyms ooashley liorish soilshaghey my phooar er Pharaoh, as er ooilley e heshaght-chaggee; as bee fys ec ny Egyptianee dy nee mish y Chiarn. As shen myr ren ad.

Exodus 14:8

As ren y Chiarn cree Pharaoh ree Egypt y chreoghey, as hie eh er-eiyrt’s cloan Israel: as hie cloan Israel er nyn doshiaght rhymboo lesh laue ard.

Exodus 21:13

As mannagh vel dooinney lhie farkiagh cooyl-chlea dy varroo fer elley, agh dy nee Jee t’er leeideil eh ny raad; neem’s eisht boayl y phointeil dhyt dasyn dy roie er-chea huggey.

Joshua 10:8

As dooyrt y Chiarn rish Joshua, Ny gow aggle roue; son ta mee er livrey ad gys dty laue; cha shass dooinney jeu royd.

Joshua 11:20

Son daag y Chiarn ad fo creoghys cree, dy chaggey noi Israel, dy voddagh eh stroie ad dy bollagh, nagh voghe ad foayr erbee, agh dy voddagh cragh cheet ny-vud oc, myr hug y Chiarn sarey da Moses.

Joshua 11:6

As dooyrt y Chiarn rish Joshua, Ny gow aggle roue: son mysh y traa shoh mairagh, neem’s livrey ooilley ad seose marroo kiongoyrt rish Israel: nee oo feh-yskid nyn gabbil y yiarey, as lostey ny fainee oc ’syn aile.

Joshua 8:7

Eisht nee shiuish troggal erriu veih’n cooyl-chlea, as goaill yn ard-valley: son nee’n Chiarn y Jee eu eh y livrey gys nyn laueyn.

Briwnyn 4:14

As dooyrt Deborah rish Barak, Seose oo; son er y laa shoh nee’n Chiarn livrey Sisera gys dty laue: nagh vel y Chiarn er n’gholl magh royd? Myr shen hie Barak sheese veih slieau Tabor, as jeih thousane dooinney geiyrt er.

Briwnyn 4:8

As dooyrt Barak r’ee, My hed uss mârym, eisht neem’s goll: agh mannagh jed uss mârym, eisht cha jean-yms goll.

Briwnyn 5:21

Ren awin Kishon sceabey ad ersooyl, yn shenn awin cheddin, awin Kishon. O my annym, t’ou er choyrt niart fo-chosh.

1 Samuel 24:10

Cur-my-ner, ta dty hooillyn hene nish er vakin kys dy ren y Chiarn uss y livrey yn laa jiu gys my laue ayns yn ooig: as choyrlee paart mee dy dty varroo; agh ren my hooill dty sparail; as dooyrt mee, Cha sheeyn-ym magh my laue noi my hiarn; son t’eh ree ooilit y Chiarn.

1 Samuel 24:18

As t’ou er hoilshaghey dou yn laa shoh kys t’ou er ghellal dy mie rhym; ayns nagh ren oo m’y varroo, tra ren y Chiarn mish y livrey ayns dty laue.