Briwnyn 4:6 - Yn Vible Casherick 1775 1819

⁶ As hug ee chaghteraght gys Barak mac Abinoam veih Kedesh-naphtali, as dooyrt ee rish, Nagh vel y Chiarn Jee Israel er harey, gra, Immee, as tayrn gys slieau Tabor, as gow mayrt jeih thousane dooinney jeh cloan Naphtali, as jeh cloan Zebulun?

Briwnyn 4:6 ပူးပေါင်းရင်းမြစ်များ

Psalmyn 7:6

Irree, O Hiarn, ayns dty chorree, as trog oo hene seose, kyndagh rish farg my noidyn: shass er my hon ayns y vriwnys t’ou er harey.

Psalmyn 89:12

Ta ny niaughyn lhiat’s, lhiat’s myrgeddin yn thalloo: t’ou er hoiaghey undin y seihll runt, as ooilley ny t’ayn.

Psalmyn 89:13

T’ou er yannoo yn twoaie as y jiass: nee Tabor as Hermon boggey y ghoaill ayns dty Ennym.

Jeremiah 46:18

Myr ta mee bio, ta’n Ree gra, ta’n ennym echey, Yn Chiarn dy heshaghtyn-flaunyss, Cha shickyr as ta Tabor soit mastey ny sleityn, as Carmel rish oirr ny marrey, bee shoh er ny chooilleeney.

Hosea 5:1

Eaisht-jee rish shoh, O haggyrtyn, as cur-jee tastey, shiuish hie Israel, as jean-jee clashtyn, O hie yn ree; son ta briwnys ny chour eu, er-yn-oyr dy vel shiu er ve ny ribbey er Mizpah, as myr lieen skeaylt er Tabor.

Jannoo 13:47

Son shen myr ta’n Chiarn er chur sarey dooin, gra, Ta mee er hoiaghey oo seose dy ve dty hoilshey da ny Ashoonee, as dy ve son saualtys gys ardjyn sodjey magh y thallooin.

Hebrewnee 11:32

As cre jir-ym ny sodjey? son yinnagh y traa failleil mee dy insh mychione Gideon, as Barak, as Samson, as Jephthae, mychione David myrgeddin as Samuel, as mychione ny phadeyryn:

Joshua 1:9

Nagh nee mish t’er choyrt sarey dhyt? Bee dunnal as creeoil; ny bee aggle ort, chamoo bee mettey: son ta’n Chiarn dty Yee mayrt cre-erbee yn raad t’ou chyndaa.

Joshua 19:22

As ta’n chagliagh roshtyn gys Tabor, as Shahazimah, as Beth-shemesh; as va kione nyn gagliagh ec Jordan: shey ard-valjyn jeig, marish nyn maljyn-beggey.

Joshua 19:32

Haink y cheyoo lot magh son cloan Naphtali, lurg nyn gynneeyn.

Joshua 19:35

As ny ard-valjyn fencit t’ad Ziddim, Zer, as Hammath, Rakkath, as Cinnereth.

Joshua 19:37

As Kedesh, as Edrei, as En-hazor,

Joshua 21:32

As veih tribe Naphtali, Kedesh ayns Galilee, lesh e gleebyn, son ard-valley dy hauchys da’n marrooder, as Hammoth-dor, as Kartan, lesh nyn ghleebyn; three ard-valjyn.

Briwnyn 4:10

As ren Barak Zebulun as Naphtali y vusteral ec Kedesh; as hie eh seose lesh jeih thousane dooinney ec e voynyn: as hie Deborah seose mârish.

Briwnyn 5:1

Eisht ghow Deborah, as Barak mac Abinoam, arrane-moyllee er y laa shen, gra,

Briwnyn 6:35

As hug eh chaghteryn magh trooid ooilley Manasseh; va myrgeddin er nyn jaglym huggey: as hug eh chaghteryn gys Asher, as gys Zebulun, as gys Naphtali; as haink ad seose ny whail.

Briwnyn 8:18

Eisht dooyrt eh rish Zebah as Zalmunna, Cre’n mec deiney v’ad shen ren shiu y varroo ee Tabor? As dreggyr ad, Myr t’ou uss, shen myr v’adsyn; va dagh fer jeu, dy yeeaghyn orroo, goll-rish cloan ree.

1 Samuel 10:3

Eisht heu er dty hoshiaght veih shen, as hig oo gys thalloo-rea Tabor, as ayns shen hig three deiney dty whail goll seose dy hirveish Jee gys Beth-el, fer jeu cur lesh three mannanyn, fer elley three bwilleenyn arran, as yn er elley boteil feeyney:

1 Samuel 12:11

As hug y Chiarn Jerubbaal, as Bedan, as Jephthah, as Samuel, as ren eh shiu y livrey ass laueyn nyn noidyn er dy chooilley heu, as ren shiu baghey ayns shee.