Briwnyn 4:5 - Yn Vible Casherick 1775 1819

⁵ As v’ee cummal fo billey-palm Deborah, eddyr Ramah as Beth-el ayns cronk Ephraim; as hie cloan Israel seose huic son briwnys.

Briwnyn 4:5 ပူးပေါင်းရင်းမြစ်များ

Genesis 35:8

Agh hooar Deborah boandyr Rebekah baase, as v’ee oanluckit liorish Beth-el, fo billey-darragh: as ve enmyssit Allon-bachuth.

Exodus 18:13

As haink eh gy-kione er laa-ny-vairagh, dy hoie Moses dy choyrt briwnys da’n pobble: as hass y pobble fenish Voses veih moghrey gy fastyr.

Exodus 18:16

Tra ta cooish oc, t’ad cheet hym’s; as ta mee briwnys eddyr ad; as ta mee soilshaghey daue slattyssyn as leighyn Yee.

Exodus 18:19

Eaisht nish rish my choraa, ver-yms coyrle dhyt; as bee Jee mayrt: bee uss eddyr Jee as y pobble, dy choyrt lhiat ny cooishyn oc gys Jee.

Exodus 18:26

As ren ad y pobble y vriwnys ec dy chooilley earish; ny cooishyn creoi hug ad fenish Voses, agh dy chooilley chooish sloo ren ad hene y reaghey.

Jeremiah 31:15

Myr shoh ta’n Chiarn dy ghra, Va coraa er ny chlashtyn ayns Ramah, dobberan, as keayney sharroo; Rachel keayney son e cloan, er-yn-oyr nagh row veg jeu faagit.

Joshua 16:2

As goll magh veih Beth-el gys Luz, as sheeyney choud’s ardjyn Archi gys Ataroth,

Joshua 18:22

As Beth-arabah, as Zemaraim, as Beth-el,

Joshua 18:25

Gibeon, as Ramah, as Beeroth,

Briwnyn 4:4

As va Deborah yn phadeyr, ben Lapidoth, briwnys Israel ec y traa shen.

1 Samuel 1:1

Nish va dooinney dy row jeh Ramathaim-zophim, jeh slieau Ephraim, as va’n ennym echey Elkanah, mac Jehoram, mac Elihu, mac Tohu, mac Zuph, ny Ephrathite:

1 Samuel 1:19

As dirree ad seose dy moghey, as hug ad ooashley kiongoyrt rish y Chiarn, as hyndaa ad, as haink ad gys nyn dhie hene ayns Ramah: as ren Elkanah gerjaghey Hannah e ven, as chooinee’n Chiarn urree.

1 Samuel 22:6

Tra cheayll Saul dy row briaght er David, as er ny deiney va mârish, (nish va Saul ec y traa shoh ’sy cheyll liorish Ramah, lesh e shleiy ny laue, as ooilley e gheiney mygeayrt-y-mysh;)

1 Samuel 25:1

As hooar Samuel baase: as va ooilley ny Israeliteyn er nyn jaglym cooidjagh, as ren ad dobberan er e hon, as doanluck ad eh er-gerrey da e hie ec Ramah. As hrog David er, as hie eh sheese gys faasagh Paran.

1 Samuel 7:17

As haink eh reesht gys Ramah; son shen y raad va e chummal: as ayns shen v’eh briwnys Israel; as ayns shen hrog eh altar gys y Chiarn.