Briwnyn 4:3 - Yn Vible Casherick 1775 1819

³ As ren cloan Israel gaccan gys y Chiarn; son va echey nuy cheead fainagh yiarn; as son feed bleïn ren eh dy mooar seaghney cloan Israel.

Briwnyn 4:3 ပူးပေါင်းရင်းမြစ်များ

Psalmyn 106:42

Shimmey keayrt ren eh ad y livrey: agh dirree ad magh n’oï lesh nyn goyrleyn hene, as v’ad er nyn injillaghey son nyn olkys.

Psalmyn 50:15

As eïe orrym’s ayns traa dy heaghyn: myr shen neem’s geaishtagh rhyt, as nee oo mish y voylley.

Psalmyn 78:34

Tra stroie eh ad, ren ad eh y hirrey: as hyndaa ad ad-hene dy moghey, as ren ad briaght lurg Jee.

Exodus 2:23

As haink eh gy-kione lurg traa, dy dooar ree Egypt baase, as ren cloan Israel osnaghey dy trome kyndagh rish y vondiaght, as ren ad geam; as hie’n eam oc seose gys Jee, kyndagh rish y vondiaght.

Deuteronomy 28:29

Nee oo loagan ec y vun-laa, myr ta’n doal ’sy dorraghys, as ny t’ou goaill ayns laue, cha jig eh lhiat: as bee uss dy kinjagh tranlaasit, as spooillit, as cha bee fer-coonee ayd.

Deuteronomy 28:33

Mess dty halloo, as ooilley dty laboragh, nee ashoon, nagh nhione dhyt, gee seose; as bee oo tranlaasit, as freilt fo-chosh dy kinjagh:

Joshua 17:16

As dooyrt cloan Yoseph, Cha vel y chronk (mooar) dy liooar dooin: as ta fainee yiarn ec ooilley ny Canaaniteyn cummaltee cheer ny glionney, chammah ocsyn jeh Veth-shean as e baljyn, as ocsyn jeh glione Jezreel.

Briwnyn 1:19

As va’n Chiarn marish Judah, as deiyr eh magh mooinjer-ny-ard, agh cha voddagh eh geiyrt magh cummaltee’n choan, er-yn-oyr dy row oc fainee yiarn.

Briwnyn 10:10

As ren cloan Israel geamagh gys y Chiarn, gra, Ta shin er n’yannoo peccah dt’oï, er-yn-oyr dy vel shin chammah er dreigeil y Jee ain, as myrgeddin er hirveish Baalim.

Briwnyn 10:16

As hug ad ersooyl ny jeeghyn joarree veih nyn mast’, as hirveish ad yn Chiarn; as va e chree er ny veiyghaghey son seaghyn Israel.

Briwnyn 3:15

Agh tra ren cloan Israel gaccan gys y Chiarn, hrog y Chiarn seose daue fendeilagh, Ehud mac Gera, Benjamite, dooinney kiuttagh: as leshyn hug cloan Israel gioot gys Eglon ree Voab.

Briwnyn 3:9

As tra ren cloan Israel gaccan gys y Chiarn, hrog y Chiarn seose fendeilagh da cloan Israel, ren ad y livrey, eer Othniel mac Kenaz, braar saa Caleb.

Briwnyn 4:13

As ren Sisera chaglym cooidjagh ooilley ny fainee echey, nuy cheead fainagh yiarn, as ooilley’n cheshaght va mârish, veih Harosheth jeh ny ashoonyn gys awin Kishon.

Briwnyn 4:4

As va Deborah yn phadeyr, ben Lapidoth, briwnys Israel ec y traa shen.

Briwnyn 5:8

Reih ad jeeghyn noa; eisht va caggey ayns ny giattyn: row scape ny shleiy ry-akin mastey da-eed thousane ayns Israel?

Briwnyn 6:6

As va Israel er ny injillaghey gys lhag stayd kyndagh rish ny Midianiteyn; as deïe cloan Israel gys y Chiarn.

1 Samuel 7:8

As dooyrt cloan Israel rish Samuel, Ny scuirr dy yannoo aghin gys y Chiarn y Jee ain er nyn son, dy jean eshyn shin y hauail ass laue ny Philistinee.