Briwnyn 4:23 - Yn Vible Casherick 1775 1819

²³ Myr shen hug Jee fo-chosh er y laa shen Jabin ree Chanaan roish cloan Israel.

Briwnyn 4:23 ပူးပေါင်းရင်းမြစ်များ

1 Recortyssyn 22:18

Nagh vel y Chiarn nyn Yee mêriu? as nagh vel eh er choyrt fea diu er dy chooilley heu? son t’eh er livrey cummaltee’n cheer gys my laue; as ta’n cheer er ny injillaghey kiongoyrt rish y Chiarn, as kiongoyrt rish e phobble.

Nehemiah 9:24

Myr shen hie’n chloan oc stiagh, as ghow ad possession jeh’n cheer, as hug oo fo-chosh cummaltee cheer ny Canaaniteyn, as livrey oo ad gys ny laueyn oc, marish nyn reeaghyn, as pobble y cheer, dy yannoo roo myr bailloo.

Psalmyn 18:39

T’ou er my choamrey lesh niart son y chaggey: nee uss my noidyn y lhieggal sheese foym.

Psalmyn 18:47

Ta’n Chiarn bio, as bannit dy row m’er-coonee niartal: as moylley dy row gys Jee my haualtys;

Psalmyn 47:3

Ver eh sheese y pobble foïn: as ny ashoonyn fo nyn gassyn.

Psalmyn 81:14

O dy beagh my phobble er n’eaishtagh rhym’s: son dy beagh Israel er n’immeeaght ayns my raaidyn.

1 Corinthianee 15:28

As tra vees dy chooilley nhee er ny choyrt fosyn, eisht bee yn Mac eh-hene myrgeddin er ny injillaghey huggeysyn hug dy chooilley nhee fo, dy vod Jee ve ooilley ayns ooilley.

Hebrewnee 11:33

Ren trooid credjue yn varriaght y gheddyn harrish reeriaghtyn, dobbree ad cairys, hooar gialdynyn jeant mie daue, yeigh beïll lionyn,

Briwnyn 4:22

As cur-my-ner, myr va Barak er-eiyrt’s Sisera, haink Jael magh ny whail, as dooyrt ee rish, Tar stiagh, as jeeagh-yms dhyt yn dooinney t’ou dy hirrey. As tra haink eh stiagh ayns y chabbane eck, cur-my-ner, va Sisera ny lhie marroo, as y kibbin trooid cuishlin e ching.

Briwnyn 4:24

As va laue cloan Israel er ny niartaghey, dy dooar ad y varriaght er Jabin ree Chanaan, derrey v’ad er stroie Jabin ree Chanaan.