Briwnyn 4:2 - Yn Vible Casherick 1775 1819

² As ren y Chiarn ad y chreck gys laue Yabin ree Chanaan, va reill ayns Hazor; captan e heshaght-chaggee va Sisera, va e chummal ayns Harosheth jeh ny ashoonyn.

Briwnyn 4:2 ပူးပေါင်းရင်းမြစ်များ

Psalmyn 83:9

Agh jean uss roosyn myr rish ny Midianiteyn: rish Sisera, as rish Jabin ec awin Kison;

Isaiah 50:1

Myr shoh ta’n Chiarn dy ghra, Cre vel screeuyn-scarree nyn moir, r’ee ta mee er scarrey? ny rish quoi jeh my yiatteryn ta mee er chreck shiu? Cur-my-ner, she son nyn mee-chraueeaght ta shiu er chreck shiu hene, as son y drogh-yannoo euish ta mee er scarrey rish nyn moir.

Noo Mian 18:25

Agh son wheesh as nagh row echey dy eeck, doardee e hiarn eh dy ve creckit, as e ven, as e chloan, as ooilley ny v’echey, as e eeaghyn dy ve eeckit.

Joshua 11:1

As haink eh gy-kione, tra va Jabin ree Hazor er chlashtyn jeh ny reddyn shoh, dy dug eh fys gys Jobab ree Vadan, as gys ree Shimron, as gys ree Achshaph,

Joshua 19:36

As Adamah, as Ramah, as Hazor,

Briwnyn 10:7

As ren jymmoose yn Chiarn brishey magh noi Israel, as chreck eh ad gys laue ny Philistinee, as gys laue cloan Ammon.

Briwnyn 4:13

As ren Sisera chaglym cooidjagh ooilley ny fainee echey, nuy cheead fainagh yiarn, as ooilley’n cheshaght va mârish, veih Harosheth jeh ny ashoonyn gys awin Kishon.

Briwnyn 4:16

Agh deiyr Barak er ny fainee, as er y cheshaght-chaggee, derrey Harosheth jeh ny ashoonyn: as huitt ooilley sheshaght-caggee Sisera roish foyr y chliwe; as cha row dooinney jeu faagit.

1 Samuel 12:9

As tra yarrood ad yn Chiarn y Jee oc, ren eh ad y livrey gys laue Sisera, captan sheshaght-caggee Hazor, as gys laue ny Philistinee, as gys laue ree Voab, as ren ad caggey nyn ’oï.