Briwnyn 4:16 - Yn Vible Casherick 1775 1819

¹⁶ Agh deiyr Barak er ny fainee, as er y cheshaght-chaggee, derrey Harosheth jeh ny ashoonyn: as huitt ooilley sheshaght-caggee Sisera roish foyr y chliwe; as cha row dooinney jeu faagit.

Briwnyn 4:16 ပူးပေါင်းရင်းမြစ်များ

Psalmyn 104:35

Er son peccee, bee adsyn er nyn goyrt mow veih’n thalloo, as hig jerrey er ny mee-chrauee: cur uss moylley da’n Chiarn, O m’annym, cur moylley da’n Chiarn.

Psalmyn 83:10

Va er nyn stroie ec Endor: as haink dy ve myr eoylley er y thalloo.

Psalmyn 83:9

Agh jean uss roosyn myr rish ny Midianiteyn: rish Sisera, as rish Jabin ec awin Kison;

Exodus 14:28

As haink ny ushtaghyn dy cheilley, as choodee ad ny fainee, as ny markee, as ooilley sheshaght-caggee Pharaoh, hie stiagh ’syn aarkey er nyn eiyrt’s: cha row unnane hene jeu faagit er-mayrn.

Isaiah 43:17

Ta cur lesh magh yn ainagh as yn cabbyl, yn armee, as y phooar; nee ad lhie sheese cooidjagh, as cha n’irree ad arragh: t’ad mooghit, t’ad currit ass myr cainle.

Romanee 2:12

Son bee whilleen as t’er n’yannoo peccah fegooish leigh, er nyn gheyrey neesht fegooish y leigh: as bee whilleen as t’er n’yannoo peccah fo’n leigh, er nyn mriwnys liorish y leigh,

Jamys 2:13

Son yiow eshyn briwnys dyn myghin, nagh vel er hoilshaghey myghin; as ta myghin boggyssagh harrish briwnys.

Joshua 10:10

As hug y Chiarn barriaght da Israel harrystoo, as ren eh ad y stroie lesh toyrt-mow trome ec Gibeon, as ad y imman er y raad ta goll seose gys Beth-horon, as woaill eh ad derrey Azekah, as gys Makkedah.

Joshua 11:8

As ren y Chiarn ad y livrey gys laue Israel, ren ad y woalley, as nyn glo gys Zidon mooar, as gys Misrephoth-maim, as gys glione Vispeh cheu-har, as ren eh ad y stroie, derrey nagh row fer jeu faagit.

Briwnyn 4:17

Agh chossyn Sisera ersooyl ry-chosh gys cabbane Jael ben Heber yn Kenite: son va shee eddyr Jabin ree Hazor as thie Heber yn Kenite.

Briwnyn 4:2

As ren y Chiarn ad y chreck gys laue Yabin ree Chanaan, va reill ayns Hazor; captan e heshaght-chaggee va Sisera, va e chummal ayns Harosheth jeh ny ashoonyn.