Briwnyn 4:14 - Yn Vible Casherick 1775 1819

¹⁴ As dooyrt Deborah rish Barak, Seose oo; son er y laa shoh nee’n Chiarn livrey Sisera gys dty laue: nagh vel y Chiarn er n’gholl magh royd? Myr shen hie Barak sheese veih slieau Tabor, as jeih thousane dooinney geiyrt er.

Briwnyn 4:14 ပူးပေါင်းရင်းမြစ်များ

Genesis 19:14

As hie Lot magh, as loayr eh rish e vec-’sy-leigh, va er phoosey e inneenyn, as dooyrt eh, Trog-jee erriu, cosne-jee ass yn ynnyd shoh, son nee yn Chiarn yn ard-valley shoh y stroie: agh yeeagh e vec-’sy-leigh er, myr fer va jannoo craid.

Genesis 44:4

As tra v’ad er n’gholl magh ass yn ard-valley, as nagh row ad foast foddey jeh, dooyrt Joseph rish e stiurt, Seose, eiyr er ny deiney; as tra verrys oo orroo, abbyr roo, Cre’n-fa ta shiu er chooilleeney olk son mie?

2 Samuel 5:24

As tra chlinnys oo feiyr mastey ny biljyn-mulberry myr sheean sleih er march, dy jean oo eisht gleashagh oo-hene dy gastey: son eisht ta’n Chiarn goll magh royd, dy woalley sheshaght ny Philistinee.

Isaiah 52:12

Son cha jed shiu magh ayns siyr, ny roie er-chea: son hed y Chiarn rhymbiu; as bee Jee Israel fendeilagh er nyn gooyl.

Micah 2:13

Ta’n brisheyder er jeet seose rhymboo: t’ad feayshlit, as er n’gholl trooid y yiat, as er n’immeeaght magh er, as hed yn ree oc rhymboo, as bee yn Chiarn nyn leeideilagh.

Deuteronomy 9:3

Toig er-y-fa shen, yn laa jiu, dy nee yn Chiarn dty Yee eh ta goll royd myr aile ta coyrt mow: nee eh ad y stroie, as nyn lhieggal kiongoyrt rhyt: myr shoh nee oo nyn eebyrt magh, as stroie ad dy bollagh, myr ta’n Chiarn er ghra rhyt.

Joshua 10:8

As dooyrt y Chiarn rish Joshua, Ny gow aggle roue; son ta mee er livrey ad gys dty laue; cha shass dooinney jeu royd.

Joshua 7:13

Seose oo, jean y pobble y chasherickey, as abbyr roo, Jean-jee shiu-hene y chasherickey cour y laa mairagh: son myr shoh ta’n Chiarn Jee dy Israel gra, Ta red cursit ayns dty vean, O Israel: cha vod oo shassoo roish dty noidyn, derrey ta shiu goaill yn red cursit ersooyl veih ny mast’ eu.

Briwnyn 19:28

As dooyrt eh r’ee, Irree, as lhig dooin ve goll roïn: agh cha dooar eh ansoor: eisht hrog eh ee er assyl, as hrog y dooinney er, as jimmee eh roish gys e hie hene.

Briwnyn 4:10

As ren Barak Zebulun as Naphtali y vusteral ec Kedesh; as hie eh seose lesh jeih thousane dooinney ec e voynyn: as hie Deborah seose mârish.

Briwnyn 7:9

As haink eh gy-kione yn oie cheddin, dy dooyrt y Chiarn rish, Trog ort, as immee sheese gys y cheshaght-chaggee shoh; son ta mish er livrey ad gys dty laue.

1 Samuel 9:26

As dirree ad dy moghey: as haink eh gy-kione mysh brishey’n laa, dy deïe Samuel er Saul gys yn ard-shamyr, gra, Trog ort, dy voddym lhiggey’n raad dhyt. As dirree Saul, as hie ad ny-neesht magh, eshyn as Samuel, gys boayl er-lheh.