Briwnyn 4:11 - Yn Vible Casherick 1775 1819

¹¹ Nish va Heber yn Kenite, va jeh cloan Hobab ayr-’sy-leigh Voses, er scarrey eh-hene veih ny Keniteyn, as er scughey e chabbane gys cheer-rea Zaanaim, va liorish Kedesh.

Briwnyn 4:11 ပူးပေါင်းရင်းမြစ်များ

Exodus 18:1

As tra cheayll Jethro saggyrt Vidian, ayr-’sy-leigh Voses, jeh ooilley ny ren Jee son Moses, as son Israel e phobble, as dy row’n Chiarn er chur lesh Israel magh ass Egypt:

Exodus 2:18

As tra haink ad gys Reuel nyn ayr, dooyrt eh, Kys te dy vel shiu er jeet cha leah jiu?

Exodus 3:1

Nish va Moses ny vochilley er shioltane Jethro e ayr-’sy-leigh, saggyrt Vidian: as ren eh leeideil yn shioltane gys cooyl yn aasagh, as haink eh gys slieau Yee, eer gys Horeb.

Earrooyn 10:29

As dooyrt Moses rish Hobab, mac Raguel yn Midianite, ayr-’sy-leigh Voses, Ta shinyn er nyn yurnah gys yn ynnyd, mychione dooyrt y Chiarn, Ver-yms diuish eh: tar uss mârin, as bee mayd mie rhyt: son ta’n Chiarn er loayrt dy mie mychione Israel.

Earrooyn 10:32

As bee eh myr shen, my she dt’aigney dy gholl mârin, dy jarroo shen myr vees eh, yn chenjallys nee’n Chiarn y hoilshaghey dooinyn, y lheid cheddin nee mayd er dty hon’s.

Earrooyn 24:21

As yeeagh eh er ny Keniteyn; as hie eh lesh e choraa-dorraghey, as dooyrt eh, S’lajer ta dty ynnyd-vaghee, as t’ou jannoo dty edd ayns y chreg.

Joshua 19:33

As va’n chagliagh ocsyn veih Heleph, veih Allon gys Zaanannim, as Adami, Nekeb, as Jabneel, derrey Lakum; as va’n kione b’odjey magh jeh ec Jordan;

Joshua 19:37

As Kedesh, as Edrei, as En-hazor,

Briwnyn 1:16

As hie cloan yn Kenite, ayr-’sy-leigh Voses, seose ass ard-valley ny biljyn-palm, marish cloan Yudah, gys faasagh Yudah, ta er cheu-jiass Arad: as hie ad as chum ad mastey’n pobble.

Briwnyn 4:12

As dinsh ad da Sisera dy row Barak mac Abinoam er n’gholl seose gys slieau Tabor.

Briwnyn 4:6

As hug ee chaghteraght gys Barak mac Abinoam veih Kedesh-naphtali, as dooyrt ee rish, Nagh vel y Chiarn Jee Israel er harey, gra, Immee, as tayrn gys slieau Tabor, as gow mayrt jeih thousane dooinney jeh cloan Naphtali, as jeh cloan Zebulun?

1 Samuel 15:6

As dooyrt Saul rish ny Keniteyn, ersooyl-jee, cosne-jee reue, as immee-jee sheese veih mastey ny Amalekiteyn, er-aggle dy jean-yms shiu y stroie mâroo: son ren shiuish kenjallys y hoilshaghey da ooilley cloan Israel tra haink ad seose ass Egypt. Myr shoh hie ny Keniteyn rhymboo, veih mastey ny Amalekiteyn.

1 Samuel 27:10

As dooyrt Achish, Quoi noi hie shin magh jiu? As dooyrt David, Noi jiass Yudah, as noi jiass ny Jerahmeeliteyn, as noi jiass ny Keniteyn.