Briwnyn 3:9 - Yn Vible Casherick 1775 1819

⁹ As tra ren cloan Israel gaccan gys y Chiarn, hrog y Chiarn seose fendeilagh da cloan Israel, ren ad y livrey, eer Othniel mac Kenaz, braar saa Caleb.

Briwnyn 3:9 ပူးပေါင်းရင်းမြစ်များ

Nehemiah 9:27

Shen-y-fa, livrey oo ad gys laue nyn noidyn, ren tranlaase orroo: as ayns earish nyn seaghyn tra deïe ad hood’s, cheayll oo ad veih niau: as cordail rish ymmodee dty vyghinyn, hug oo daue saualtee, ren ad y livrey veih laue nyn noidyn.

Psalmyn 22:5

Deïe ad ort’s, as hooar ad cooney: hug ad nyn marrant ort, as cha row ad er nyn goyrt mow.

Psalmyn 78:34

Tra stroie eh ad, ren ad eh y hirrey: as hyndaa ad ad-hene dy moghey, as ren ad briaght lurg Jee.

Joshua 15:17

As ren Othniel mac Kenaz, braar Caleb, goaill eh: as hug eh da Achsah e inneen son ben.

Briwnyn 1:13

As ren Othniel, mac Kenaz, braar saa Caleb goaill eh: as hug eh da Achsah e inneen son ben.

Briwnyn 10:10

As ren cloan Israel geamagh gys y Chiarn, gra, Ta shin er n’yannoo peccah dt’oï, er-yn-oyr dy vel shin chammah er dreigeil y Jee ain, as myrgeddin er hirveish Baalim.

Briwnyn 2:16

Agh ny-yeih ren y Chiarn briwnyn y hroggal seose, ren ad y livrey ass ny laueyn ocsyn ren tranlaase orroo.

Briwnyn 2:18

As tra va’n Chiarn er hroggal seose briwnyn daue, eisht va’n Chiarn marish y vriw shen, as ren eh ad y livrey ass laue nyn noidyn ooilley laghyn y vriw: (son ghow’n Chiarn chymmey jeh ny osnaghyn oc, kyndagh roosyn va seaghney as jannoo tranlaase orroo.)

Briwnyn 3:15

Agh tra ren cloan Israel gaccan gys y Chiarn, hrog y Chiarn seose daue fendeilagh, Ehud mac Gera, Benjamite, dooinney kiuttagh: as leshyn hug cloan Israel gioot gys Eglon ree Voab.

Briwnyn 3:8

Shen-y-fa va corree yn Chiarn er ny ghreinnaghey noi Israel, as chreck eh ad gys laue Chushan-rishathaim ree Mesopotamia: as ren cloan Israel shirveish Chushan-rishathaim hoght bleeaney.

Briwnyn 4:3

As ren cloan Israel gaccan gys y Chiarn; son va echey nuy cheead fainagh yiarn; as son feed bleïn ren eh dy mooar seaghney cloan Israel.

Briwnyn 6:7

As haink eh gy-kione, tra ren cloan Israel aghin gys y Chiarn kyndagh rish ny Midianiteyn,

1 Samuel 12:10

As deïe ad gys y Chiarn, as dooyrt ad, Ta shin er n’yannoo peccah, er-yn-oyr dy vel shin er hreigeil y Chiarn, as er hirveish Baalim as Ashtaroth: agh nish livrey shin veih laueyn nyn noidyn, as nee mayd uss y hirveish.