Briwnyn 3:7 - Yn Vible Casherick 1775 1819

⁷ As ren cloan Israel olk ayns shilley’n Chiarn, as yarrood ad yn Chiarn nyn Yee, as hirveish ad Baalim as Ashtaroth.

Briwnyn 3:7 ပူးပေါင်းရင်းမြစ်များ

1 Reeaghyn 16:33

As ren Ahab soiaghey keyll [son jallooyn]; as ren Ahab brasnaghey yn Chiarn Jee Israel gys corree erskyn ooilley reeaghyn Israel va roish.

1 Reeaghyn 18:19

Nish er-y-fa shen, cur magh order, as chaggil hym’s ooilley Israel gys cronk Carmel, as phadeyryn Vaal kiare cheead as jeih as da-eed, as phadeyryn ny keylley kiare cheead, ta gee ec boayrd Jezebel.

2 Reeaghyn 23:14

As vrish eh ayns peeshyn ny jallooyn, as yiare eh sheese ny biljyn, as lhieen eh ny ynnydyn oc lesh craueyn deiney.

2 Reeaghyn 23:6

As hug eh lesh magh jalloo ny keylley veih thie yn Chiarn, cheu-mooie jeh Jerusalem, gys strooan Kidron, as losht eh eh ec strooan Kidron, as vroo eh eh cha meein as joan, as spreih eh yn joan er oaiaghyn cloan y phobble.

2 Recortyssyn 15:16

As myrgeddin Maachah moir Asa yn ree, hug eh sheese ee nagh beagh ee ny ben-reïn, er-yn-oyr dy row ee er hoiaghey seose jalloo ayns keyll: as yiare Asa sheese y jalloo eck, as vrish eh eh dy peeshyn, as losht eh eh liorish y strooan Kidron.

2 Recortyssyn 24:18

As hreig ad thie’n Chiarn Jee nyn ayraghyn, as hug ad ooashley da jallooyn ny keylley: as haink jymmoose er Judah as Jerusalem son shoh nyn beccah.

2 Recortyssyn 33:19

E phadjer myrgeddin, as kys va myghin ec Jee er, as ooilley e pheccah, as e loght, as ny ard-ynnydyn hrog eh, as ny keylljyn, as ny jallooyn grainnit v’echey roish e arrys: cur-my-ner t’ad scruit mastey raaghyn ny ashleyderyn.

2 Recortyssyn 33:3

Son hrog eh reesht ny ard-ynnydyn va Hezekiah e ayr er lhieggal, as hrog eh altaryn son Baalim, as ayns ny keylljyn, hug eh ooashley da ooilley pooaraghyn yn aer, as hirveish eh ad.

2 Recortyssyn 34:3

Son ayns y hoghtoo vleïn jeh e reill, choud’s v’eh foast aeg, v’eh aggindagh dy hirveish Jee Ghavid e ayr: as ’sy nah vleïn yeig ren eh toshiaght dy scughey ass Judah as Jerusalem ny ard-ynnydyn, as ny keylljyn, as ny jallooyn grainnit, as ny jallooyn lheït.

2 Recortyssyn 34:7

As tra v’eh er lhieggal sheese ny altaryn, as ny keylljyn, as er n’yannoo joan jeh ny jallooyn grainnit, as er yiarey sheese ooilley ny jallooyn trooid ooilley cheer Israel, haink eh reesht gys Jerusalem.

Psalmyn 106:35

Agh ren ad sheshaght rish ny ashoonyn: as dynsee ad nyn gliaghtaghyn.

Psalmyn 106:36

Ayns wheesh as dy dug ad ooashley da ny jallooyn oc, shoh ren chyndaa gys y toyrt-mow oc hene: dy jarroo, heb ad ny mec as ny inneenyn oc gys jouyil;

Psalmyn 106:7

Cha dug nyn ayraghyn tastey da dty yindyssyn ayns Egypt, chamoo dreill ad dty vieys vooar ayns cooinaghtyn: agh v’ad mee-viallagh ec yn aarkey, dy jarroo ec y Faarkey Jiarg.

Exodus 34:13

Agh nee shiu stroie ny altaryn oc, brishey ny jallooyn, as giarey sheese ny biljyn foue v’ad coyrt ooashley.

Jeremiah 23:27

Ta smooinaghtyn dy chur er my phobble dy yarrood my ennym’s lesh nyn ghreamallyn, t’ad ginsh dagh dooinney da e naboo, myr ren ny ayraghyn oc my ennym’s y yarrood son Baal.

Deuteronomy 16:21

Cha jean oo soiaghey keyll dy viljyn erbee er-gerrey da altar yn Chiarn dty Yee, nee oo y yannoo dhyt hene.

Deuteronomy 4:9

Ynrycan, jeeagh royd, as freill dty annym dy imneagh, nagh jarrood oo ny reddyn ta dty hooillyn er vakin; as nagh jed ad ass dty chree, ooilley laghyn dty vea: agh ynsee ad da dty vec, as da cloan dty chlienney:

Deuteronomy 8:11

Bee er dty hwoaie, nagh jarrood oo yn Chiarn dty Yee, liorish mee-viallys gys e annaghyn, as e vriwnyssyn, as e lattyssyn, ta mee dy harey dhyt jiu;

Deuteronomy 8:14

Nagh bee dty chree eisht mooaralagh, as dy jarrood oo yn Chiarn dty Yee (hug lesh uss magh ass cheer Egypt, veih thie ny bondiaght;

Deuteronomy 8:18

Agh nee oo cooinaghtyn er y Chiarn dty Yee: son eshyn eh ta coyrt pooar dhyt dy gheddyn berchys, dy vod eh e chonaant y hickyraghey, vreear eh da dty ayraghyn, myr te er y laa jiu.

Briwnyn 3:12

As ren cloan Israel olk reesht ayns shilley’n Chiarn: as ren y Chiarn Eglon ree Voab y niartaghey noi Israel, er-yn-oyr dy row ad er n’yannoo olk ayns shilley’n Chiarn.

Briwnyn 3:8

Shen-y-fa va corree yn Chiarn er ny ghreinnaghey noi Israel, as chreck eh ad gys laue Chushan-rishathaim ree Mesopotamia: as ren cloan Israel shirveish Chushan-rishathaim hoght bleeaney.

Briwnyn 6:25

As haink eh gy-kione yn oie cheddin, dy dooyrt y Chiarn rish, Gow dow aeg dty ayrey, as dow elley jeh shiaght bleeaney dy eash, as lhieg sheese altar Baal t’ec dty ayr, as giare sheese ny biljyn ta liorish;

Briwnyn 8:33

As haink eh gy-kione, lurg baase Ghideon, dy ren cloan Israel chyndaa dy lhiattee, as hie ad er-shaghryn geiyrt er Baalim; as ghow ad Baal-berith dy ve yn jee oc.

Briwnyn 8:34

As cha ren cloan Israel cooinaghtyn er y Chiarn y Jee oc, va er livrey ad ass laueyn nyn noidyn er dy chooilley heu:

1 Samuel 12:10

As deïe ad gys y Chiarn, as dooyrt ad, Ta shin er n’yannoo peccah, er-yn-oyr dy vel shin er hreigeil y Chiarn, as er hirveish Baalim as Ashtaroth: agh nish livrey shin veih laueyn nyn noidyn, as nee mayd uss y hirveish.

1 Samuel 12:9

As tra yarrood ad yn Chiarn y Jee oc, ren eh ad y livrey gys laue Sisera, captan sheshaght-caggee Hazor, as gys laue ny Philistinee, as gys laue ree Voab, as ren ad caggey nyn ’oï.