Briwnyn 3:3 - Yn Vible Casherick 1775 1819

³ Ta shen, queig chiarnyn jeh ny Philistinee, as ooilley ny Canaaniteyn, as ny Sidonianee, as ny Hiviteyn va cummal ayns slieau Lebanon, veih slieau Baal-hermon derrey hig oo gys Hamath.

Briwnyn 3:3 ပူးပေါင်းရင်းမြစ်များ

Genesis 49:13

Nee Zebulun cummal ec purt ny marrey; as bee eh son purt lhuingey; as bee’n slyst echey roshtyn gys Zidon.

2 Samuel 24:7

As haink ad gys cashtal lajer Tyre, as gys ooilley ard-valjyn ny Hiviteyn, as ny Canaaniteyn: as hie ad magh my-yiass jeh Judah, eer gys Beer-sheba.

1 Reeaghyn 8:65

As ec y traa shen dreill Solomon feailley, as ooilley Israel mârish, chaglym mooar dy leih, veih’n goll stiagh ec Hamath gys awin Egypt, kiongoyrt rish y Chiarn yn Jee ain, shiaght laa as shiaght laa, dy jarroo kiare laghyn jeig.

1 Reeaghyn 9:20

Agh son ooilley’n pobble va faagit jeh ny Amoriteyn, Hittiteyn, Perizziteyn, Hiviteyn, as Jebusiteyn, nagh row jeh cloan Israel,

Ezekiel 47:20

Yn lhiattee-heear myrgeddin vees yn aarkey vooar, veih’n oirr, derrey hig dooinney jeeragh er Hamath: shoh yn lhiattee-heear.

Earrooyn 13:29

Ta ny Amalekiteyn cummal ayns y cheer, my-yiass: as ta ny Hittiteyn, as ny Jebusiteyn, as ny Amoriteyn cummal ayns ny sleityn: as ta ny Canaaniteyn cummal er oirr ny marrey, as liorish slyst Yordan.

Earrooyn 34:8

Veih cronk Hor, nee shiu roie yn chagliagh eu derrey hig ee gys Hamath: as bee’n chagliagh veih shen gys Zedad.

Deuteronomy 1:7

Chyndaa-jee, as gow-jee nyn yurnah, as immee-jee, gys cheer-ard ny Amoriteyn, as gys ooilley ny ynnydyn t’er-gerrey da, ’sy thalloo-rea, ayns ny croink, as ’sy choan, as ayns y jiass, as rish oirr ny marrey, gys cheer ny Canaaniteyn, as gys Lebanon, gys yn awin mooar shen, awin Euphrates.

Deuteronomy 3:9

(Yn Hermon cheddin ta ny Sidonianee genmys Sirion: as ta ny Amoriteyn genmys eh Shenir.)

Joshua 11:19

Cha row ard-valley ren shee rish cloan Israel, agh ny Hiviteyn, cummaltee Ghibeon; ooilley’n chooid elley ghow ad ayns caggey.

Joshua 11:3

As gys y Chanaanite er cheu-har as cheu-heear, as gys yn Amorite, as yn Hittite, as y Perizzite, as y Jebusite ayns ny sleityn, as gys yn Hivite fo Hermon, ayns cheer Vispeh.

Joshua 13:3

Veih Sihor, ta liorish Egypt, choud’s ardjyn Ekron my-hwoaie, ta lesh ny Canaaniteyn: queig chiarnyn jeh ny Philistinee; ny Gazathiteyn, as ny Ashdothiteyn, ny Eshkaloniteyn, ny Gittiteyn, as ny Ekroniteyn; myrgeddin ny Aviteyn:

Joshua 13:5

As cheer ny Gibliteyn, as ooilley Lebanon, lesh y shiar, veih Baal-gad fo cronk Hermon derrey hig oo gys Hamath:

Joshua 19:28

As Hebron, as Rehob, as Hammon, as Kanah, choud as Zidon mooar;

Joshua 9:7

As dooyrt ard-gheiney Israel rish ny Hiviteyn, Foddee dy vel shiuish cummaltee yn cheer shoh; as kys oddys mayd coardail ’yannoo riu?

Briwnyn 10:12

Ren ny Zidonianee myrgeddin, as ny Amalekiteyn, as ny Maoniteyn tranlaase erriu; as deïe shiu hym’s, as ren mee nyn livrey ass yn laue oc.

Briwnyn 10:7

As ren jymmoose yn Chiarn brishey magh noi Israel, as chreck eh ad gys laue ny Philistinee, as gys laue cloan Ammon.

Briwnyn 14:4

Agh cha row fys ec e ayr ny e voir dy nee veih’n Chiarn ve, dy beagh shoh oyr streeu eddyr eh-hene as ny Philistinee: son ec y traa shen va reill ec ny Philistinee harrish Israel.

Briwnyn 18:7

Eisht hie ny queig deiney roue, as haink ad gys Laish, as hug ad tastey da ny cummaltee v’ayn, nagh row ad ayns aggle erbee roish noidyn, agh baghey ayns shee as sauchys, myr ny Zidonianee; as nagh row fer-oik ’sy cheer, dy choyrt ad gys nearey, son nhee erbee; as dy row ad foddey veih ny Zidonianee, as nagh row dellal oc rish dooinney erbee.

Briwnyn 3:2

Dy voddagh sluight cloan Israel ve ynsit dy chaggey, yn chooid sloo nyn lheid as nagh row cliaghtit er roïe;)

Briwnyn 4:2

As ren y Chiarn ad y chreck gys laue Yabin ree Chanaan, va reill ayns Hazor; captan e heshaght-chaggee va Sisera, va e chummal ayns Harosheth jeh ny ashoonyn.

1 Samuel 13:5

As haggil ny Philistinee ad-hene cooidjagh dy chaggey rish Israel, three thousane fainagh, as shey thousane markiaght, as ny coshee myr yn gheinnagh er oirr ny marrey ayns earroo: as haink ad seose, as ren ad campal ayns Michmash, shiar veih Beth-aven.

1 Samuel 29:2

As hie chiarnyn ny Philistinee er nyn doshiaght lesh keeadyn as lesh thousaneyn: agh va David as e gheiney er cooyl yn armee marish Achish.

1 Samuel 6:16

As tra honnick queig chiarnyn ny Philistinee shoh, hyndaa ad reesht gys Ekron yn laa cheddin.

1 Samuel 6:18

As ny loaghee airhey, cordail rish earroo ooilley ard-valjyn ny Philistinee va fo ny queig chiarnyn, chammah jeh ard-valjyn fencit as ny baljyn-cheerey, eer gys clagh vooar Abel, er ren ad soiaghey arg y Chiarn; yn chlagh cheddin ta er-mayrn gys y laa t’ayn jiu, ayns magher Yoshua yn Beth-shemite.

1 Samuel 6:4

Eisht dooyrt ad, Cre vees yn oural-loght ver mayd da? Dreggyr ad, Queig pileyn airhey, as queig loaghee airhey, cordail rish earroo chiarnyn ny Philistinee: son va’n un cherraghey erriu ooilley, as er ny chiarnyn eu.