Briwnyn 3:12 - Yn Vible Casherick 1775 1819

¹² As ren cloan Israel olk reesht ayns shilley’n Chiarn: as ren y Chiarn Eglon ree Voab y niartaghey noi Israel, er-yn-oyr dy row ad er n’yannoo olk ayns shilley’n Chiarn.

Briwnyn 3:12 ပူးပေါင်းရင်းမြစ်များ

2 Reeaghyn 5:1

Nish va Naaman, captan sheshaght-caggee ree Syria, ny ghooinney ooasle kiongoyrt rish e vainshtyr, as onnoroil; er-yn-oyr dy row’n Chiarn liorishyn er choyrt barriaght da Syria: v’eh myrgeddin ny ghooinney niartal ayns caggey; agh v’eh ny lourane.

Exodus 9:16

As dy jarroo firrinagh, er yn eer oyr shoh ta mee er dty hroggal seose, dy hoilshaghey aynyd my phooar, as dy vod m’ennym v’er ny ockley magh trooid ooilley’n theihll.

Isaiah 10:15

Jean y teigh boggyssagh n’oï-syn ta giarey lesh? ny bee yn saaue mooaralagh rishyn ta dy hayrn eh? myr dy jinnagh y clatt ee-hene y chraa noi adsyn ta troggal seose ee, ny myr dy jinnagh yn lorg eh-hene y hroggal seose, myr nagh beagh eh ny vaidjey.

Isaiah 37:26

Nagh vel uss er chlashtyn foddey er-dy-henney, kys ta mish er n’yannoo eh; as er-dyn chenn earish, kys ta mish er oardrail eh? nish ta mee er chooilleeney eh, dy beagh uss ry-hoi stroie ard-valjyn voallit gys tholtanyn traartagh.

Ezekiel 38:16

As hig oo seose noi my phobble Israel, myr bodjal dy choodaghey yn thalloo; bee shen ayns ny laghyn jerrinagh, as ver-yms lhiam oo noi yn thalloo aym’s, dy vod ny ashoonee geddyn tushtey jeem’s, tra veem’s er my chasherickey aynyd’s, O Ghog, kiongoyrt rish nyn sooillyn.

Daniel 4:22

She uss eh, O ree, ta er n’aase, as er jeet dy ve niartal; son ta dty ooashley er vishaghey, as er roshtyn gys niau, as dty reiltys gys ardjyn sodjey magh y thallooin.

Daniel 5:18

O uss y ree, hug y Jee smoo syrjey da Nebuchadnezzar dty ayr reeriaght, as ooashley reeoil, as gloyr, as onnor.

Hosea 6:4

O Ephraim, cre nee’m er dty hon? O Yudah, cre nee’m er dty hon’s? son ta nyn mieys myr bodjal ’sy vadran, as myr y druight moghey te lheïe ersooyl.

Noo Ean 19:11

Dreggyr Yeesey, Cha voddagh pooar erbee y ve ayd harrym’s, mannagh beagh eh er ny choyrt dhyt veih’n yrjid; shen-y-fa ta peccah smoo lhie ersyn ren m’y livrey hood.

Briwnyn 2:11

As ren cloan Israel peccah ayns shilley’n Chiarn, as hirveish ad Baalim:

Briwnyn 2:14

As va jymmoose yn Chiarn er ny vrasnaghey noi Israel, as ren eh ad y livrey gys laueyn ny spooilleyderyn ren ad y roostey, as chreck eh ad gys laueyn nyn noidyn ooilley mygeayrt, myr shen nagh voddagh ad veg sodjey shassoo roish nyn noidyn.

Briwnyn 2:19

As haink eh gy-kione, tra va’n briw marroo, dy dug ad cooyl as ren ad ny smessey na nyn ayraghyn, ayns geiyrt er jeeghyn elley dy hirveish ad, as dy chroymmey sheese huc: cha scuirr ad veih nyn obbraghyn, ny veih’n drogh-yannoo oc hene.

Briwnyn 3:11

As va shee ec y cheer da-eed bleïn: as hooar Othniel mac Kenaz baase.

1 Samuel 12:9

As tra yarrood ad yn Chiarn y Jee oc, ren eh ad y livrey gys laue Sisera, captan sheshaght-caggee Hazor, as gys laue ny Philistinee, as gys laue ree Voab, as ren ad caggey nyn ’oï.