Briwnyn 3:10 - Yn Vible Casherick 1775 1819

¹⁰ As haink Spyrryd y Chiarn er, as ren eh briwnys Israel, as hie eh magh dy chaggey; as ren y Chiarn livrey Chushan-rishathaim ree Mesopotamia gys e laue; as va e laue er ny niartaghey noi Chushan-rishathaim.

Briwnyn 3:10 ပူးပေါင်းရင်းမြစ်များ

1 Recortyssyn 12:18

Eisht haink y spyrryd er Amasa, va’n ard-er jeh ny captanyn, as dooyrt eh; Lhiat’s ta shin, Ghavid, as er y cheu ayd’s, uss vac Yesse; shee, shee dy row hood, as shee gys dty ir-choonee; son ta dty Yee cooney lhiat. Eisht ren David goaill roo, as ren eh ad captanyn ’sy cheshaght.

2 Recortyssyn 15:1

As haink Spyrryd Yee er Azariah mac Obed.

2 Recortyssyn 20:14

Eisht haink Spyrryd y Chiarn ayns mean y cheshaght er Jahaziel mac Zechariah, mac Benaiah, mac Jehiel, mac Mattaniah, ny Levite jeh mec Asaph:

Psalmyn 51:11

Ny tilg mee ersooyl veih dt’enish: as ny gow dty Spyrryd Casherick voym.

Earrooyn 11:17

As hig-yms neose as loayr-ym rhyt ayns shen; as nee’m goaill jeh’n spyrryd t’ort’s, as ver-ym eh orroo shen; as nee ad gymmyrkey errey yn pobble mayrt, nagh bee’n slane currym ort hene.

Earrooyn 11:25

As haink y Chiarn neose ayns bodjal, as loayr eh rish, as ghow eh jeh’n spyrryd va ersyn, as hug eh shen er y three-feed shanstyr as jeih: as haink eh gy-kione, tra ren y spyrryd tannaghtyn orroo, dy ren ad phadeyrys, as cha ren ad scuirr.

Earrooyn 11:29

As dooyrt Moses rish, Vel uss troo er y choontey aym’s? dy baillish Jee dy beagh ooilley pobble y Chiarn phadeyryn, as dy jinnagh y Chiarn cur e spyrryd orroo.

Earrooyn 24:2

As hrog Balaam seose e hooillyn, as honnick eh Israel tannaghtyn ayns e chabbaneyn, cordail rish ny tribeyn oc, as haink spyrryd Yee er.

Earrooyn 27:18

As dooyrt y Chiarn rish Moses, Gow hood Joshua mac Nun, dooinney ta’n spyrryd (dy chreenaght) ayn, as lhie dty laue er.

Hebrewnee 6:4

Son te erskyn-towse doillee dauesyn va un cheayrt er nyn soilshaghey, as t’er vlashtyn yn gioot flaunyssagh, as va goaill ayrn jeh’n Spyrryd Noo,

Briwnyn 11:29

Eisht haink spyrryd y Chiarn er Jephthah, as hie eh harrish Gilead as Manasseh, as hie eh er e hoshiaght harrish Mizpeh jeh Gilead, as veih Mizpeh jeh Gilead noi cloan Ammon.

Briwnyn 11:32

Myr shen hie Jephthah harrish noi cloan Ammon dy chaggey roo; as ren y Chiarn ad y livrey gys e laueyn.

Briwnyn 13:25

As ren Spyrryd y Chiarn toshiaght dy ghreinnaghey eh nish as reesht myr v’eh ayns camp Dan, eddyr Zorah as Eshtaol.

Briwnyn 14:19

As haink Spyrryd y Chiarn er, as hie eh sheese gys Ashkelon, as varr eh jeih deiney as feed jeu, as ghow eh yn spooilley oc, as hug eh caghlaaghyn garmad dauesyn hooar magh yn raa-dorraghey: as va farg er, as hie eh seose gys thie e ayrey.

Briwnyn 14:6

As haink Spyrryd y Chiarn dy niartal er; as raip eh eh myr raipagh eh mannan, as cha row veg echey ny laue: agh cha dinsh eh da e ayr ny e voir cre v’eh er n’yannoo.

Briwnyn 15:14

As tra haink eh gys Lehi, dyllee ny Philistinee n’oï: as haink Spyrryd y Chiarn dy niartal er, as haink ny coyrdyn v’er e roihaghyn dy ve myr lieen losht lesh aile, as huitt ny geulaghyn veih e laueyn.

Briwnyn 3:11

As va shee ec y cheer da-eed bleïn: as hooar Othniel mac Kenaz baase.

Briwnyn 3:8

Shen-y-fa va corree yn Chiarn er ny ghreinnaghey noi Israel, as chreck eh ad gys laue Chushan-rishathaim ree Mesopotamia: as ren cloan Israel shirveish Chushan-rishathaim hoght bleeaney.

Briwnyn 6:34

Agh haink Spyrryd y Chiarn er Gideon, as heid eh lesh trumpet; as va deiney Abiezer er nyn jaglym geiyrt er.

1 Samuel 10:10

As tra v’ad er jeet gys y chronk, cur-my-ner, haink sheshaght d’adeyryn ny whail; as va Spyrryd Yee er, as ghow eh arraneyn-moyllee mâroo.

1 Samuel 10:6

As hig Spyrryd y Chiarn ort hene, as gowee oo arraneyn-moyllee mâroo, as bee oo er dty chaghlaa gys dooinney elley.

1 Samuel 11:6

As haink Spyrryd Yee er Saul tra cheayll eh ny naightyn shen, as va e chorree dy mooar er ny vrasnaghey.

1 Samuel 16:13

Eisht ghow Samuel yn eairk dy ooil, as ren eh eh y ooilaghey er-lheh veih e vraaraghyn: as haink Spyrryd y Chiarn er David veih’n laa shen magh. Myr shen dirree Samuel, as hie eh gys Ramah.