Briwnyn 2:20 - Yn Vible Casherick 1775 1819

²⁰ As va corree yn Chiarn cheh noi Israel; as dooyrt eh, Er-yn-oyr dy vel y pobble shoh er vrishey my chonaant ren mee rish nyn ayraghyn, as nagh vel ad er choyrt geill da my choraa’s;

Briwnyn 2:20 ပူးပေါင်းရင်းမြစ်များ

2 Samuel 24:1

As reesht va corree’n Chiarn er ny vrasnaghey noi Israel, as son va [Satan] er chleayney David nyn ’oï, gra, Immee, as gow earroo Israel as Yudah.

Psalmyn 106:40

As livrey eh ad harrish gys laue ny ashoonyn: as v’adsyn va dwoaie oc orroo ny hiarnyn harrystoo.

Psalmyn 78:10

Goll-rish cloan Ephraim: lurg daue ve eïllit son caggey, as cur lhieu bowaghyn, hyndaa ad nyn gooyl ayns laa yn chaggey.

Jeremiah 31:32

Cha nee rere y chonaant ren mee rish nyn ayraghyn, ’sy laa ghow mee ad er y laue, dy chur lhiam ad ass cheer Egypt; (my chonaant cheddin vrish ad, ga dy row mee myr dooinney-poost dauesyn, ta’n Chiarn dy ghra;)

Ezekiel 20:37

As ver-ym erriu dy gholl fo yn clatt, as ver-ym lhiam shiu fo kiangley yn chonaant.

Earrooyn 32:13

As va corree’n Chiarn brasnit noi Israel, as hug eh orroo rouail noon as noal ’syn aasagh da-eed bleïn, derrey va ooilley’n cheeloghe shen, va er n’yannoo olk ayns shilley’n Chiarn, er n’gholl naardey.

Deuteronomy 32:22

Son ta aile er vrishey magh ayns my yymmoose, nee lostey gys y diunid sodjey sheese, as ver eh mow yn thalloo, lesh e bishagh, as ver eh aile fo undinyn ny sleityn.

Joshua 23:16

Tra vees shiu er vrishey conaant y Chiarn y Jee eu, doardee eh diu, as er n’gholl geiyrt er jeeghyn elley dy hirveish ad, as er choyrt ooashley daue; eisht bee corree’n Chiarn er ny vrasnaghey nyn ’oï, as bee shiu dy leah er nyn eebyrt veih’n cheer mie shen t’eh er choyrt diu.

Briwnyn 10:7

As ren jymmoose yn Chiarn brishey magh noi Israel, as chreck eh ad gys laue ny Philistinee, as gys laue cloan Ammon.

Briwnyn 2:14

As va jymmoose yn Chiarn er ny vrasnaghey noi Israel, as ren eh ad y livrey gys laueyn ny spooilleyderyn ren ad y roostey, as chreck eh ad gys laueyn nyn noidyn ooilley mygeayrt, myr shen nagh voddagh ad veg sodjey shassoo roish nyn noidyn.

Briwnyn 2:19

As haink eh gy-kione, tra va’n briw marroo, dy dug ad cooyl as ren ad ny smessey na nyn ayraghyn, ayns geiyrt er jeeghyn elley dy hirveish ad, as dy chroymmey sheese huc: cha scuirr ad veih nyn obbraghyn, ny veih’n drogh-yannoo oc hene.

Briwnyn 3:8

Shen-y-fa va corree yn Chiarn er ny ghreinnaghey noi Israel, as chreck eh ad gys laue Chushan-rishathaim ree Mesopotamia: as ren cloan Israel shirveish Chushan-rishathaim hoght bleeaney.