Briwnyn 2:2 - Yn Vible Casherick 1775 1819

² As cha jean shiu coardail erbee rish cummaltee yn cheer shoh; nee shiu ny altaryn oc y lhieggal: agh cha vel shiu er ve biallagh gys my choraa: cre’n-fa ta shiu er n’yannoo shoh?

Briwnyn 2:2 ပူးပေါင်းရင်းမြစ်များ

Genesis 12:18

As deïe Pharaoh er Abram as dooyrt eh, Cre shoh t’ou er n’yannoo rhym? cre’n-fa nagh dinsh oo dou dy nee dty ven v’ee?

Genesis 4:10

As dooyrt eh, Cre t’ou er n’yannoo? ta coraa fuill dty vraarey geamagh hym’s veih’n ooir.

Exodus 32:21

As dooyrt Moses rish Aaron, Cre’n olk ren y pobble shoh rhyt’s, dy vel oo er hayrn lheid y peccah orroo?

Jeremiah 2:18

As nish, cre t’ayd’s dy yannoo rish raad Egypt, dy iu ushtaghyn Sihor? ny cre t’ayd’s dy yannoo rish raad Assyria, dy iu ushtaghyn yn awin?

Jeremiah 2:36

Cre’n-fa t’ou goaill wheesh dy rouail ort dy chaghlaa dty raad? bee nearey ort myrgeddin son Egypt, myr va nearey ort son Assyria.

Jeremiah 2:5

Myr shoh ta’n Chiarn dy ghra, Cre’n aggair ta nyn ayraghyn er gheddyn aynym’s, dy vel ad er n’immeeaght foddey voym, as er n’eiyrt er fardail, as moyrn giare-cheeayllagh?

Deuteronomy 7:16

As nee oo stroie ooilley ny ashoonyn, nee’n Chiarn dty Yee y livrey hood: cha bee chymmey ec dty hooill orroo: chamoo nee oo shirveish ny jeeghyn oc; son bee shen ny ribbeh dhyt.

2 Thessalonianee 1:8

Ayns aile loshtee cooilleeney kerraghey orroosyn ooilley nagh vel goaill rish Jee, as nagh vel coyrt biallys da sushtal nyn Jiarn Yeesey Creest:

Joshua 9:7

As dooyrt ard-gheiney Israel rish ny Hiviteyn, Foddee dy vel shiuish cummaltee yn cheer shoh; as kys oddys mayd coardail ’yannoo riu?

1 Peddyr 4:17

Son ta’n traa tayrn er-gerrey dy vel briwnys dy ghoaill toshiaght ec thie Yee: as my she orrinyn hig eh hoshiaght, cre’n erree hig orroosyn nagh vel cur biallys da sushtal Yee?

Briwnyn 2:20

As va corree yn Chiarn cheh noi Israel; as dooyrt eh, Er-yn-oyr dy vel y pobble shoh er vrishey my chonaant ren mee rish nyn ayraghyn, as nagh vel ad er choyrt geill da my choraa’s;

Briwnyn 6:10

As dooyrt mee riu, She mish yn Chiarn yn Jee eu; ny gow-jee aggle roish jeeghyn ny Amoriteyn, ’sy cheer oc ta shiu cummal: agh cha vel shiu er ve biallagh gys my choraa.

Briwnyn 6:8

Dy dug y Chiarn gys cloan Israel phadeyr, dooyrt roo, Shoh, myr ta’n Chiarn Jee Israel gra, Hug mish lhiam shiu veih Egypt, as veih thie ny bondiaght,

Briwnyn 8:27

As jeu shoh ren Gideon Ephod, as hoie eh seose eh ayns Ophrah, yn ard-valley echey hene: as hie ooilley Israel er-shaghryn liorish coyrt ooashley da: yn red cheddin haink dy ve ribbeh da Gideon, as da e hie.