Briwnyn 2:12 - Yn Vible Casherick 1775 1819

¹² As hreig ad Chiarn Jee nyn ayraghyn, hug lesh ad magh ass cheer Egypt, as deiyr ad er jeeghyn elley, jeeghyn y pobble va mygeayrt-y-moo, as chroym ad sheese ad hene huc, as vrasnee ad y Chiarn gys corree.

Briwnyn 2:12 ပူးပေါင်းရင်းမြစ်များ

Psalmyn 106:36

Ayns wheesh as dy dug ad ooashley da ny jallooyn oc, shoh ren chyndaa gys y toyrt-mow oc hene: dy jarroo, heb ad ny mec as ny inneenyn oc gys jouyil;

Psalmyn 78:58

Agh hyndaa ad nyn gooyl, as huitt ad ersooyl goll-rish ny shenn-ayraghyn oc: lheim ry-lhiattee myr bow brisht.

Exodus 13:14

As shen myr vees eh, tra nee dty vac fênaght jeed ny lurg shoh, gra, Cre’n-fa ta shoh? Dy jir oo rish, Lesh laue lajer hug y Chiarn lesh shinyn magh ass Egypt, veih thie ny bondiaght.

Exodus 13:16

As bee shoh son cowrey er dty laue, as son cooinaghtyn roish dty hooillyn: son lesh laue lajer hug y Chiarn lesh shin magh ass Egypt.

Exodus 13:3

As dooyrt Moses rish y pobble, Cooinee-jee er y laa shoh er haink shiu magh ass Egypt, ass thie ny bondiaght; son lesh laue lajer hug y Chiarn lesh shiuish magh veih’n ynnyd shoh: cha bee soorit erbee er ny ee er.

Exodus 13:9

As bee eh son cowrey dhyt er dty laue, as son cooinaghtyn roish dty hooillyn; dy vod leigh’n Chiarn ve ayns dty veeal: son lesh laue lajer ta’n Chiarn er chur lesh oo magh veih Egypt.

Exodus 20:5

Cha jean oo croymmey oo hene sheese huc, ny ooashley ’chur daue: son ta mish y Chiarn dty Yee my Yee eadolagh, kerraghey peccaghyn ny ayraghyn er y chloan gys y trass as y chiarroo heeloghe jeusyn ta dwoaie oc orrym;

Jeremiah 16:11

Eisht dy jir uss roo, Er-y-fa dy vel nyn ayraghyn er my hreigeil, ta’n Chiarn dy ghra, as son dy vel ad er n’eiyrt er jeeghyn joarree, as er hirveish ad, as er chur ooashley daue, as er hreigeil mish, as nagh vel ad er reayll my leigh’s:

Deuteronomy 13:5

As bee yn phadeyr ny’n dreamyder shen er ny choyrt gy-baase (son dy vel eh er loayrt dy hyndaa shiu ersooyl veih’n Chiarn nyn Yee, hug lesh shiu magh ass cheer Egypt, as deayshil shiu veih thie ny bondiaght, dy chur oo er-shaghryn jeh’n raad hug y Chiarn dty Yee sarey dhyt dy immeeaght ayn) myr shoh ver oo yn olk ersooyl veih ny mast’ eu.

Deuteronomy 29:18

Nagh bee ny mast’ eu dooinney, ny ben, ny lught-thie, ny tribe, ta ayns nyn gree chyndaa ersooyl veih’n Chiarn nyn Yee, dy gholl dy hirveish jeeghyn ny ashoonyn shoh; nagh bee ny mast’ eu fraue ta gymmyrkey gall as ullymar,

Deuteronomy 29:25

As yiow ad ansoor, Te, son dy vel ad er hreigeil conaant Chiarn Jee nyn ayraghyn, ren eh roo, tra hug eh lesh ad magh ass cheer Egypt.

Deuteronomy 32:15

Agh daase Jeshurun roauyr, as ren eh brebbal: t’ou uss er n’aase roauyr, as t’ou er n’ghoaill thummyd, t’ou coodit lesh saill; eisht hreig eh Jee ren eh y chroo, as hoie eh beg jeh creg e haualtys.

Deuteronomy 33:17

Ta’n aalid echey myr y reih dow aeg, as ta e eairkyn myr eairkyn ny unicornyn: as lhieusyn nee eh’n pobble y phuttey dy cheilley, gys ny ardjyn sodjey magh; ad shoh ny jeih thousaneyn dy Ephraim, as ad shoh thousaneyn Vanasseh.

Deuteronomy 4:25

Tra nee oo geddyn cloan, as cloan dty chlienney, as tra vees oo er chummal foddey ’sy cheer, as er n’gholl dowin ayns peccah, as er n’yannoo jalloo grainnit, ny co-chaslys nhee erbee, as dy jean shiu dy olk ayns shilley’n Chiarn dty Yee, dy vrasnaghey eh gys corree:

Deuteronomy 5:9

Cha groym oo sheese oo hene huc, ny ooashley ’choyrt daue, son ta mish, yn Chiarn dty Yee, my Yee eadolagh, ta kerraghey peccaghyn ny ayraghyn er y chloan, gys y trass as y chiarroo heeloghe jeusyn ta dwoaie oc orrym,

Deuteronomy 6:12

Bee eisht er dty hwoaie nagh jarrood oo yn Chiarn, hug lesh magh oo ass cheer Egypt, veih thie ny bondiaght.

Briwnyn 10:11

As dooyrt y Chiarn rish cloan Israel, Nagh ren mish shiu y livrey veih ny Egyptianee, as veih ny Amoriteyn, veih cloan Ammon, as veih ny Philistinee?

Briwnyn 5:8

Reih ad jeeghyn noa; eisht va caggey ayns ny giattyn: row scape ny shleiy ry-akin mastey da-eed thousane ayns Israel?

Briwnyn 8:33

As haink eh gy-kione, lurg baase Ghideon, dy ren cloan Israel chyndaa dy lhiattee, as hie ad er-shaghryn geiyrt er Baalim; as ghow ad Baal-berith dy ve yn jee oc.