Briwnyn 2:10 - Yn Vible Casherick 1775 1819

¹⁰ As va ooilley’n sheeloghe shen myrgeddin er nyn jaglym gys nyn ayraghyn: as hrog seose sheeloghe elley nyn yeï, nagh dug geill da’n Chiarn, ny foast da ny obbraghyn v’eh er n’yannoo son Israel.

Briwnyn 2:10 ပူးပေါင်းရင်းမြစ်များ

Genesis 15:15

As nee oo goll gys dty ayraghyn ayns shee: bee oo er dty oanluckey ayns shenn eash vie.

Genesis 25:17

As ad shoh bleeantyn eash Ishmael, shey-feed bleïn as shiaght-jeig: as livrey eh seose e annym, as hooar eh baase, as v’eh er ny haglym gys e ayraghyn.

Genesis 25:8

Eisht phaart Abraham, as hooar eh baase ayns shenn eash lowal, ny henn ghooinney, as lane dy vleeantyn: as v’eh er ny haglym gys e ayraghyn.

Genesis 49:33

As tra va Jacob erreish currym y choyrt da e vec, hayrn eh seose e chassyn ’sy lhiabbee, as phaart eh, as v’eh oanluckit marish e ghooie.

2 Samuel 7:12

As tra vees dty laghyn ec kione, as oo-hene cadley marish dt’ayraghyn, neem’s dty luight y hoiaghey seose dty yeï, hig magh ass dty veeghyn, as neem’s y reeriaght echeysyn y niartaghey.

1 Recortyssyn 28:9

As uss Solomon, my vac, toig aigney Yee dty ayrey, as jean eh y hirveish lesh cree firrinagh, as lesh aigney arryltagh: son ta’n Chiarn ronsaghey magh dy chooilley chree, as toiggal ooilley ny smooinaghtyn t’ayndoo. My t’ou dy hirrey eh, bee eh er ny gheddyn liort; agh my hreigys oo eh, nee eh dty hreigeil son dy bragh.

Lioar Yob 21:14

Shen-y-fa t’ad gra rish Jee, Faag voïd shin; son cha vel shin shirrey tushtey dty raaidyn.

Exodus 1:6

As hooar Joseph baase as ooilley e vraaraghyn, as yn slane sheeloghe shen.

Exodus 1:8

Nish, hrog ree noa ayns Egypt, nagh row enney echey er Joseph.

Exodus 5:2

As dooyrt Pharaoh, Quoi’n Chiarn, dy vel mish dy choyrt biallys gys e choraa, dy lhiggey’n raad da Israel? cha nione dooys y Chiarn, chamoo lhig-yms y raad da Israel.

Isaiah 5:12

As ta’n chlaasagh as y viol, yn tabret as y feddan, as feeyn, ayns nyn guirraghyn agh cha vel geill oc da jannoo yn Chiarn, chamoo t’ad smooinaghtyn er obbyr e laueyn.

Jeremiah 22:16

Ren eh briwnys cooish yn voght, as yn ymmyrchagh; eisht haink eh dy mie lesh: nagh row shoh son dy bione da mish? ta’n Chiarn dy ghra.

Jeremiah 31:34

As cha n’ynsee ad ny smoo dagh dooinney e naboo, as dy chooilley ghooinney e vraar, gra, Ynsee-jee tushtey yn Chiarn: son bee ad ooilley as tushtey oc jeem’s, veih’n er sloo gys yn er smoo jeu, ta’n Chiarn dy ghra: son leih-yms daue nyn loghtyn, as cha gooin-yms er y peccah oc ny smoo.

Jeremiah 9:2

O dy beagh aym ’syn aasagh boayl-aaghtee myr t’ec troailtee, dy voddin my phobble y aagail, as goll roym voue! son t’ad ooilley maarderee, sheshaght dy gheiney foalsey.

Jeremiah 9:3

As t’ad lhoobey nyn jengaghyn myr nyn mhow son breagyn; agh cha vel ad dunnal son yn ynrickys er y thalloo; son t’ad goll er nyn doshiaght veih olk dy olk, as cha vel enney oc orrym’s, ta’n Chiarn dy ghra.

Jeremiah 9:5

As nee dagh unnane e naboo y volley, as cha loayree ad yn irriney: t’ad er chliaghtey nyn jengey gys breagyn, as t’ad deinagh ayns jannoo olk.

Earrooyn 27:13

As erreish dhyt v’er vakin eh, bee uss myrgeddin er dty haglym gys dty phobble, myr va Aaron dty vraar.

Noo Luke 20:32

Er-jerrey ooilley hooar y ven ee hene baase myrgeddin.

Jannoo 13:36

Son erreish da David rish e lhing hene v’er hirveish aigney Yee, huitt eh ny chadley, as v’eh er ny oanluckey marish e ayraghyn, as honnick eh loauid:

Deuteronomy 31:16

As dooyrt y Chiarn rish Moses, Cur-my-ner, nee uss cadley marish dty ayraghyn, as nee’n pobble shoh girree magh, as geiyrt er maarderys [spyrrydoil] rish jeeghyn joarree y cheer, raad t’ad goll dy vaghey, as nee ad m’y hreigeil, as brishey my chonaant, ta mee er n’yannoo roo.

2 Thessalonianee 1:8

Ayns aile loshtee cooilleeney kerraghey orroosyn ooilley nagh vel goaill rish Jee, as nagh vel coyrt biallys da sushtal nyn Jiarn Yeesey Creest:

Titus 1:16

T’ad goaill orroo dy vel tushtey oc dy Yee; agh ayns nyn obbraghyn t’ad gobbal eh, feohdoil as mee-viallagh, as noi dy chooilley obbyr vie er nyn greoghey.

Joshua 24:31

As ren Israel shirveish y Chiarn rish slane lhing Yoshua, as lhing y chanstyr va bio lurg Joshua, as v’er vakin ooilley ny obbraghyn va’n Chiarn er n’yannoo son Israel.

1 Samuel 2:12

Nish va mec Eli mec Velial; cha row aggle y Chiarn orroo.