Briwnyn 19:9 - Yn Vible Casherick 1775 1819

⁹ As tra hrog y dooinney er dy gholl roish, eh-hene, as e cho-lhiabbagh, as e er-mooinjerey, dy dooyrt e ayr-’sy-leigh, ayr y ven aeg, rish, Cur-my-ner, te nish lesh yn astyr; ta mee guee ort fuirree fud-ny-hoie: t’ou fakin dy vel eh lesh yn anmys; gow aaght ayns shoh, dy vod dty chree ve gennal, as moghrey mairagh gow-jee er nyn yurnah, dy vod oo goll thie.

Briwnyn 19:9 ပူးပေါင်းရင်းမြစ်များ

2 Samuel 13:28

Nish va Absalom er churmal e harvaantyn, gra, Gow-jee tastey nish, tra vees cree Amnon gennal lesh feeyn, as tra jir-yms riu, Bwoaill-jee Amnon; eisht marr-jee eh; ny bee aggle erriu: nagh nee mish t’er n’oardaghey shiu? bee-jee creeoil, as prow-jee dunnal.

Raaghyn Creeney 27:1

Ny jean boggyssagh jeed hene mychione y laa mairagh; son cha vel fys ayd, cre ver y laa lesh mygeayrt.

Noo Luke 24:29

Agh lhie ad er, gra, Fuirree mârin, son ta’n fastyr er, as bunnys y laa ceaut. As hie eh stiagh dy uirriaght mâroo.

Briwnyn 19:10

Agh cha n’uirragh y dooinney yn oie shen, agh hrog eh er, as hie eh roish, as haink eh er-gerrey da Jebus, (ta shen Jerusalem) as mârish daa assyl jeeltit; va e cho-lhiabbagh myrgeddin mârish.

Briwnyn 19:6

As hoie ad sheese cooidjagh, as ren ad gee as giu: son va ayr y ven aeg er ghra rish y dooinney, Fuirree raad t’ou, ta mee guee ort, fud-ny-hoie, as lhig da dty chree ve gennal.

Briwnyn 19:8

As dirree eh dy moghey er y wheiggoo laa dy gholl roish: as dooyrt ayr y ven aeg, Gerjee dty chree, ta mee guee ort. As duirree ad derrey’n astyr, as ghow ad beaghey cooidjagh.

Ruth 3:7

As tra va Boaz er n’ee as er n’iu, as y cree echey gennal, hie eh dy lhie sheese ec kione y dash-arroo: as haink ee dy aashagh, as lhie ee sheese ec e chassyn.