Briwnyn 19:3 - Yn Vible Casherick 1775 1819

³ As dirree e sheshey, as hie eh geiyrt urree dy loayrt dy dooie r’ee, as dy ghoaill ee reesht, as va’n charvaant echey mârish, as daa assyl: as hug ish lh’ee stiagh eh gys thie e ayrey; as tra honnick ayr yn ven aeg eh, ghow eh lane boggey jeh.

Briwnyn 19:3 ပူးပေါင်းရင်းမြစ်များ

Genesis 34:3

As ren e chree lhiantyn gys Dinah inneen Yacob; as v’eh ayns graih rish y ven aeg, as loayr eh dy dooie r’ee.

Genesis 50:21

Nish er-y-fa shen, ny gow-jee aggle: neem’s shiuish as nyn gloan y veaghey: as ren eh ad y gherjaghey, as loayr eh dy dooie roo.

Jeremiah 3:1

Jir ad, My ta dooinney scarrey rish e ven, as ee dy gholl voish, as cheet dy ve ben da fer elley, jean eh reesht goaill r’ee? nagh bee’n cheer shen fo loght neu-ghlennid? agh t’ou uss er n’yannoo oainjyrys rish maarderagh ny ghaa; ny-yeih chyndaa reesht hym’s, ta’n Chiarn dy ghra.

Hosea 2:14

Shen-y-fa, cur-my-ner, nee’m ee y chleayney, as ver-ym lhiam ee gys yn aasagh, as loayr-ym dy dooie r’ee.

Hosea 2:16

As er y laa shen, ta’n Chiarn dy ghra, nee oo genmys mish Ishi, as cha nee ny sodjey Baali.

Leviticus 19:17

Cha bee dwoaie ayd er dty naboo ayns dty chree: ver oo dy dooie oghsan da dty naboo, as gyn lhiggey da tannaghtyn ayns e pheccah.

Leviticus 20:10

As y dooinney ta foiljagh jeh brishey poosey rish ben ghooinney elley, eer eshyn ta brishey poosey rish ben e naboo, bee’n maarderagh as y streebagh dy shickyr er nyn goyrt gy-baase.

Earrooyn 22:22

As va corree Yee brasnit, son dy jagh eh: as hass ainle y Chiarn ’sy raad, dy lhiettal eh. Nish v’eh markiagh er e assyl, as va e ’ghaa er-mooinjerey mârish.

Noo Mian 1:19

As myr va Joseph e sheshey ny ghooinney cairal, as neu-wooiagh dy choyrt ee gys nearey foshlit, v’eh smooinaghtyn dy scarrey r’ee dy follit.

Noo Ean 8:11

Dooyrt ish, Cha vel dooinney erbee, Hiarn. As dooyrt Yeesey r’ee, Chamoo ta mish dy dty gheyrey: immee royd, as ny jean peccah arragh.

Galatianee 6:1

Vraaraghyn, my ta dooinney taghyrt dy huittym ayns peccah, shiuish ta spyrrydoil, gow-jee stiagh eh reesht ayns y spyrryd dy veenid; smooinaghtyn ort hene, er-aggle dy vod uss myrgeddin ve miolit.

Briwnyn 15:1

Agh haink eh gy-kione tammylt ny lurg shen, ayns imbagh y fouyr-churnagh, dy jagh Samson dy yeeaghyn e ven, lesh mannan son cuirraghyn; as dooyrt eh, Hem’s stiagh gys my ven ’sy chamyr: agh cha lhiggagh yn ayr eck da goll stiagh.

Briwnyn 19:2

As phrow’n co-lhiabbagh neu-firrinagh da, as hie ee ersooyl voish gys thie e ayrey, gys Beth-lehem-judah, as v’ee ayns shen kiare meeaghyn.

Briwnyn 19:26

Eisht haink yn ven ec soilshey’n laa, as huitt ee sheese marroo ec dorrys thie’n dooinney raad va’n sheshey eck, derrey va’n ghrian er n’irree.

Briwnyn 19:4

As ren e ayr-’sy-leigh, ayr y ven aeg, mooar jeh; as duirree eh mârish three laa; myr shen ren ad gee as giu, as goaill aaght ayns shen.