Briwnyn 19:2 - Yn Vible Casherick 1775 1819

² As phrow’n co-lhiabbagh neu-firrinagh da, as hie ee ersooyl voish gys thie e ayrey, gys Beth-lehem-judah, as v’ee ayns shen kiare meeaghyn.

Briwnyn 19:2 ပူးပေါင်းရင်းမြစ်များ

Ezekiel 16:28

T’ou er n’yannoo maarderys myrgeddin rish ny Assyrianee, er-yn-oyr dy r’ou jollyssagh; t’ou er n’yannoo maarderys roo, as ny-yeih cha voddagh oo ve jeant magh.

Leviticus 21:9

As my nee inneen saggyrt erbee tayrn scammylt urree hene liorish streebeeys, t’ee tayrn scammylt er e ayr: bee ish losht lesh aile:

Deuteronomy 22:21

Eisht ver ad lhieu magh yn ven aeg gys dorrys thie e ayrey, as nee deiney’n ard-valley eck claghey gy-baase ee: son dy vel ee er n’yannoo ommijys ayns Israel, ayns jannoo streebeeys ayns thie e ayrey: myr shoh ver oo ersooyl olk veih ny mast’ eu.

Briwnyn 17:7

As va dooinney aeg dy row veih Beth-lehem-judah, jeh sluight Yudah, va ny Levite, as v’eh er e yoarreeaght ayns shen.

Briwnyn 19:1

As haink eh gy-kione, ayns ny laghyn shen, tra nagh row ree ayns Israel, dy row Levite cummal er lhiattee cronk Ephraim, ghow da hene co-lhiabbagh veih Beth-lehem-judah.

Briwnyn 19:3

As dirree e sheshey, as hie eh geiyrt urree dy loayrt dy dooie r’ee, as dy ghoaill ee reesht, as va’n charvaant echey mârish, as daa assyl: as hug ish lh’ee stiagh eh gys thie e ayrey; as tra honnick ayr yn ven aeg eh, ghow eh lane boggey jeh.