Briwnyn 18:8 - Yn Vible Casherick 1775 1819

⁸ As hyndaa ad gys nyn mraaraghyn ec Zorah as Eshtaol; as dooyrt ny braaraghyn oc roo, Cre t’eu dy ghra?

Briwnyn 18:8 ပူးပေါင်းရင်းမြစ်များ

Briwnyn 18:11

As hie magh veih shen, ass Zorah as Eshtaol, jeh kynney ny Daniteyn, shey cheead dooinney eïllit lesh greïnyn-caggee.

Briwnyn 18:2

As hug cloan Dan magh veih ny ardjyn queig deiney jeh’n chynney oc hene, deiney dunnal, veih Zorah, as veih Eshtaol, dy scrial y cheer, as dy ghoaill baght jeh; as dooyrt ad roo, Immee-jee, gow-jee baght jeh’n cheer: as tra haink ad gys cronk Ephraim, gys thie Micah, ghow ad aaght ayns shen.

Briwnyn 16:31

Eisht haink e vraaraghyn, as ooilley thie e ayrey, sheese, as ghow ad eh, as hug ad lhieu seose eh, as doanluck ad eh eddyr Zorah as Eshtaol, ayns grunt-oanluckee Manoah e ayr. As v’eh ny vriw er Israel feed bleïn.

Briwnyn 13:2

As va dooinney dy row ayns Zorah, jeh sluight ny Daniteyn, yn ennym echey va Manoah; as va’n ven echey gennish, gyn cloan.

Joshua 15:33

As ayns y choan, va Eshtaol, as Zoreah, as Ashnah,

Briwnyn 18:7

Eisht hie ny queig deiney roue, as haink ad gys Laish, as hug ad tastey da ny cummaltee v’ayn, nagh row ad ayns aggle erbee roish noidyn, agh baghey ayns shee as sauchys, myr ny Zidonianee; as nagh row fer-oik ’sy cheer, dy choyrt ad gys nearey, son nhee erbee; as dy row ad foddey veih ny Zidonianee, as nagh row dellal oc rish dooinney erbee.

Briwnyn 18:9

As dooyrt ad, Trog-jee erriu, lhig dooin goll seose noi oc: son ta shin er vakin y cheer, as cur-my-ner, te feer vie; as vel shiuish nyn daaue? ny bee-jee liastagh dy gholl, as dy ghoaill dooin hene y cheer.