Briwnyn 18:4 - Yn Vible Casherick 1775 1819

⁴ As dooyrt eh roo, Shoh, as myr shoh ta Micah dellal rhym; t’eh er vailley mee, as ta mee e haggyrt.

Briwnyn 18:4 ပူးပေါင်းရင်းမြစ်များ

Raaghyn Creeney 28:21

Dy yannoo soiaghey jeh persoonyn deiney, cha vel eh mie: son eer greme dy arran nee yn dooinney shen cassey cairys.

Isaiah 56:11

Dy jarroo t’ad nyn moddee yollyssagh nagh vel dy bragh dy liooar oc; as t’ad nyn mochillyn gyn tushtey: t’ad ooilley geiyrt er nyn raaidyn hene, dagh unnane lurg e chosney hene veih dy chooilley ard.

Ezekiel 13:19

As der shiu orrym’s dy ve beg soit jee’m mastey my phobble son basslagh dy oarn, as son greme dy veer, dy stroie ny anmeenyn nagh lhisagh baase y gheddyn, as dy hauail bio ny anmeenyn nagh lhisagh ve bio, liorish nyn mreagyn gys my phobble, ta geaishtagh rish ny breagyn eu?

Malachi 1:10

Quoi ny-vud eu, yinnagh eer jeigh ny dorryssyn nastee? chamoo ta shiu foaddey aile er my altar nastee. Cha vel taitnys erbee aym ayndiu, ta Chiarn ny flaunyssee dy ghra, chamoo nee’m soiaghey jeh oural veih nyn laue.

Jannoo 20:33

Cha vel mee er chur saynt da argid, ny airh, ny cooid ghooinney erbee.

1 Timothy 3:3

Cha nee iuder-feeyney, ny builltagh, ny sondagh er cosney scammyltagh, agh surransagh, cha nee fer streeuagh, ny sayntoilagh;

Titus 1:11

Ny beïll oc shegin y yeigh, ta cur slane lughtyn-thie fo-my-cheilley, gynsaghey reddyn nagh lhisagh ad er graih drogh chosney.

2 Peddyr 2:3

As trooid saynt nee ad lesh goan cluicagh jannoo merchantys jiu: yn kerraghey oc cha vel nish foddey jeh, as cha vel y deyrey oc saveenagh.

Briwnyn 17:10

As dooyrt Micah rish, Jean cummal mârym’s, as bee dou son ayr as saggyrt, as ver-yms dhyt jeih shekelyn argid ’sy vleïn, as daa chaghlaa garmad, as dty veaghey. Myr shen hie yn Levite stiagh.

Briwnyn 17:12

As ren Micah yn Levite y chasherickey, as va’n dooinney aeg ny haggyrt ayns thie Micah.

Briwnyn 18:3

Tra v’ad ec thie Micah, ghow ad tastey jeh glare y dooinney aeg yn Levite; as hie ad stiagh, as dooyrt ad rish, Quoi hug lesh oo gys shoh? as cre ta dt’eilkin? as cre t’ad dy yannoo ayns shoh?

Briwnyn 18:5

As dooyrt ad rish, Shir coyrle, ta shin guee ort, er Jee, dy vod fys ’ve ain, jig y jurnah ta shin dy ghoaill dy mie lhien.