Briwnyn 18:3 - Yn Vible Casherick 1775 1819

³ Tra v’ad ec thie Micah, ghow ad tastey jeh glare y dooinney aeg yn Levite; as hie ad stiagh, as dooyrt ad rish, Quoi hug lesh oo gys shoh? as cre ta dt’eilkin? as cre t’ad dy yannoo ayns shoh?

Briwnyn 18:3 ပူးပေါင်းရင်းမြစ်များ

Genesis 27:22

As hie Jacob er-gerrey da Isaac e ayr, as loaght eh eh, as dooyrt eh; Ta’n coraa, coraa Yacob, agh ny laueyn, laueyn Esau.

Isaiah 22:16

Cre t’ayd’s ayns shoh? as cre’n caardys t’ayd ayns shoh, dy vel oo ayns shoh er chleiy dhyt hene oaie, myr eshyn ta cleiy da hene lhiaght moyrnagh, as ta giarey ynnyd oanluckee da hene ayns y chreg?

Noo Mian 26:73

As tammylt ny lurg shen haink huggey paart jeh’n cheshaght, as dooyrt ad rish Peddyr, Shickyr she fer jeu oo, son ta dty ghlare dy dty vrah.

Briwnyn 12:6

Eisht dooyrt ad rish, Abbyr nish Shibboleth; as dooyrt eh Sibboleth: son cha daink e hengey lesh dy ockley eh dy kiart. Eisht ghow ad, as varr ad eh ee aaghyn Yordan; as huitt ec y traa shen jeh ny Ephraimiteyn, daa housane as da-eed.

Briwnyn 18:2

As hug cloan Dan magh veih ny ardjyn queig deiney jeh’n chynney oc hene, deiney dunnal, veih Zorah, as veih Eshtaol, dy scrial y cheer, as dy ghoaill baght jeh; as dooyrt ad roo, Immee-jee, gow-jee baght jeh’n cheer: as tra haink ad gys cronk Ephraim, gys thie Micah, ghow ad aaght ayns shen.

Briwnyn 18:4

As dooyrt eh roo, Shoh, as myr shoh ta Micah dellal rhym; t’eh er vailley mee, as ta mee e haggyrt.