Briwnyn 18:2 - Yn Vible Casherick 1775 1819

² As hug cloan Dan magh veih ny ardjyn queig deiney jeh’n chynney oc hene, deiney dunnal, veih Zorah, as veih Eshtaol, dy scrial y cheer, as dy ghoaill baght jeh; as dooyrt ad roo, Immee-jee, gow-jee baght jeh’n cheer: as tra haink ad gys cronk Ephraim, gys thie Micah, ghow ad aaght ayns shen.

Briwnyn 18:2 ပူးပေါင်းရင်းမြစ်များ

Genesis 42:9

As chooinee Joseph er ny dreamallyn v’echey jeusyn, as dooyrt eh roo, She peeikearyn follit shiu: dy akin boghtynid y cheer ta shiu er jeet.

Raaghyn Creeney 20:18

Ta dy chooilley chiarail, liorish coonceil, er ny niartaghey: as lesh coyrle vie gow laue rish caggey.

Earrooyn 13:17

As hug Moses ad magh dy scrial dy follit cheer Chanaan, as dooyrt eh roo, Immee-jee seose yn raad shoh my-yiass; as gow-jee seose raad y clieau:

Noo Luke 14:31

Ny cre’n ree ragh dy yannoo caggey noi ree elley, nagh soiagh sheese hoshiaght dy ghoaill coyrle, vel eh son goll magh lesh jeih thousaneyn ny whail echeysyn ta cheet n’oï lesh feed thousane?

Joshua 15:33

As ayns y choan, va Eshtaol, as Zoreah, as Ashnah,

Joshua 19:41

As va cagliagh nyn eiraght Zorah, as Eshtaol, as Ir-shemesh,

Joshua 2:1

As hug Joshua mac Nun magh daa ghooinney veih Shittim dy vriaght dy follit, gra roo, Immee-jee, gow-jee baght mie jeh’n cheer, dy jarroo jeh Jericho. As jimmee ad, as haink ad gys thie ben oast, enmyssit Rahab, as ghow ad aaght ayns shen.

Joshua 2:2

As ve er ny insh da ree Yericho, gra, Cur-my-ner, ta deiney er jeet stiagh ayns shoh noght jeh cloan Israel, dy scrial magh y cheer.

Briwnyn 13:2

As va dooinney dy row ayns Zorah, jeh sluight ny Daniteyn, yn ennym echey va Manoah; as va’n ven echey gennish, gyn cloan.

Briwnyn 13:25

As ren Spyrryd y Chiarn toshiaght dy ghreinnaghey eh nish as reesht myr v’eh ayns camp Dan, eddyr Zorah as Eshtaol.

Briwnyn 16:31

Eisht haink e vraaraghyn, as ooilley thie e ayrey, sheese, as ghow ad eh, as hug ad lhieu seose eh, as doanluck ad eh eddyr Zorah as Eshtaol, ayns grunt-oanluckee Manoah e ayr. As v’eh ny vriw er Israel feed bleïn.

Briwnyn 17:1

As va dooinney dy row jeh slieau Ephraim, yn ennym echey va Micah.

Briwnyn 18:11

As hie magh veih shen, ass Zorah as Eshtaol, jeh kynney ny Daniteyn, shey cheead dooinney eïllit lesh greïnyn-caggee.

Briwnyn 18:13

As hie ad er nyn doshiaght veih shen gys cronk Ephraim, as haink ad gys thie Vicah.

Briwnyn 18:3

Tra v’ad ec thie Micah, ghow ad tastey jeh glare y dooinney aeg yn Levite; as hie ad stiagh, as dooyrt ad rish, Quoi hug lesh oo gys shoh? as cre ta dt’eilkin? as cre t’ad dy yannoo ayns shoh?

Briwnyn 18:8

As hyndaa ad gys nyn mraaraghyn ec Zorah as Eshtaol; as dooyrt ny braaraghyn oc roo, Cre t’eu dy ghra?

Briwnyn 19:1

As haink eh gy-kione, ayns ny laghyn shen, tra nagh row ree ayns Israel, dy row Levite cummal er lhiattee cronk Ephraim, ghow da hene co-lhiabbagh veih Beth-lehem-judah.

Briwnyn 19:18

As dooyrt eh rish, Ta shin goll er nyn doshiaght veih Beth-lehem-judah gys slyst cronk Ephraim; veih shen ta mee: as hie mee gys Beth-lehem-judah, agh ta mee goll nish gys thie’n Chiarn; as cha vel dooinney erbee ta chebbal aaght dooin.